Fjalori

Rezultate në përkufizime për “tukeq”

Mëso si ta përdorësh
<<< Kthehu te kërkimi kryesor në fjalor

KEQ

KEQ ndajf. 1. Jo ashtu si duhet, me cilësi të dobët, me të meta; ligsht; dobët; keqas; mbrapsht; kund. mirë. Është bërë (është ndërtuar) keq. Punonte keq.
2. Në mënyrë të pasjellshme ose të gabuar; jo në përputhje me normat morale e shoqërore; në mënyrë të pahijshme; pa edukatë, pa kulturë e pa urtësi; me ligësi, ligsht; shëmtuar; negativisht; kund. mirë. Sillej (vepronte, lexonte, shqiptonte) keq.
3. Në kushte të vështira shëndetësore, ekonomike, politike etj.; tukeq; në mënyrë të padrejtë; kund. mirë. Jetonte (rronte) keq. Keq e më keq.
4. Pa ndonjë kënaqësi, pa dashuri; pa ndjenjë; kund. mirë. Na priti keq.
5. bised. Në një shkallë të lartë; fort; rëndë; derrçe. E rrahu (u sëmur, u plagos) keq. E pinte keq rakinë.
6. si em. f., edhe as. Gjë e keqe, të keq; e keqja; fatkeqësi. I bëri keq (rakia).
✱Sin.: ligsht, keqas, dobët, mbrapsht, tukeq, shëmtuar, negativisht, rëndë, derrçe.
♦ *Gjallë e keq (e ngushtë). Keq e keq me vështirësi të madhe, me shumë mundim, mezi; si të mundet; zhyt e mbyt. Shkeli keq (dikush) bëri një veprim të gabuar, veproi keq; gaboi, shkau. E pa keq (dikush), në vështirësi a në rrezik; e pa pisk. Mos të paftë syri keq! ur. kalofsh një jetë të mirë, pa halle e pa fatkeqësi; mos vuajtsh e mos paç kurrë fatkeqësi. Shtie keq (dikush) i ngatërron njerëzit, i fut në sherr; fut fite. Më vjen keq hidhërohem e dëshpërohem për dikë a diçka, e ndiej veten keq; më dhimbset; i qaj hallin (dikujt).

KEQËSOJ

KEQËS/ÓJ vep., ~ÓVA, ~ÚAR kal. 1. E bëj më keq a më të keqe diçka (një punë, një gjendje etj.); përkeqësoj, ligështoj; tukeq. Keqësoi gjendjen.
2. edhe fig., kryes. v. III. Acaron shëndetin, marrëdhëniet, situatën etj.; sjell të këqija. Korrupsioni (grindja) keqëson marrëdhëniet shoqërore.
✱Sin.: përkeqësoj, ligështoj, acaroj, tukeq.

MËKEQ

MËKÉQ vep., ~A, ~UR kal. E bëj edhe më keq, e keqësoj, përkeqësoj. Ia mëkeqi shëndetin.
✱Sin.: keqësoj, përkeqësoj, tukeq.

TUKEQ

TUKÉQ ndajf. Në gjendje të keqe, në ditë të hallit, si mos më keq, shumë keq, në pocaqi. Kishin mbetur tukeq. Jetonin keq e tukeq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë