Fjalori

Rezultate në përkufizime për “truppaktë”

Mëso si ta përdorësh
<<< Kthehu te kërkimi kryesor në fjalor

BIXHUL

BIXHÚL mb., keq. I shkurtër në trup, trupvogël, bruçak; kund. i bëshëm, shtatmadh.
✱Sin.: trupvogël, shtatvogël, truppaktë, shkurtabiq, shkurtalaq, shkurtaq, bruçak, bubaç, bubik, brash, bejleg, buburrec.

BRUÇAK

BRUÇÁK,~E mb. 1. Trupvogël e i shëndoshë, bubaç, bubik. Djalë bruçak. Vajzë bruçake.
2. si em. m. e f. Sipas kuptimit të mbiemrit.
✱Sin.: trupvogël, shtatvogël, truppaktë, bubaç, bubik, brash, bejleg, buburrec, i imët, i vogël, shkurtabiq, shkurtalaq, shkurtaq.

TRUPPAKTË

TRUPPÁKTË mb. Që është i paktë nga trupi, me trup të vogël dhe të hajthëm (zakonisht për njerëzit); kund. trupmadh. Burrë truppaktë.

TRUPSHËNDOSHË

TRUPSHËNDÓSHË mb. I bëshëm, bakull; kund. trupdobët, truppaktë. Burrë (grua) trupshëndoshë.

TRUPVOGËL

TRUPVÓGËL mb. 1. Që ka trup të vogël; trupshkurtër, truppaktë, picirruk, shkurtabiq, xhuxh; kund. trupmadh. Kec trupvogël. Dhi trupvogël. Fëmijë trupvegjël. Vajza trupvogla.
2. si em. m. e f. Sipas kuptimit të mbiemrit.
✱Sin.: trupshkurtër, truppaktë, picirruk, kocomi, shkurtabiq, xhuxh, njerith.

VOGËL

VÓGËL (i, e) mb. 1. Që ka gjatësi, gjerësi a lartësi ose peshë më të paktë se mesatarja a e zakonshmja ose më të paktë se diçka a dikush tjetër; që ka përmasa jo të mëdha; me shtat jo të zhvilluar, i paktë nga trupi, i shkurtër; që zë pak vend; që nxë pak ose nuk nxë aq sa duhet a atë që duhet; i ngushtë a i cekët; që ka pak radhë a pak fjalë, i shkurtër (për një shkrim); kund. i madh. Arë (fushë, luginë) e vogël. Vresht i vogël. Liqen pellg i vogël). Lumë (përrua) i vogël. Derë (dritare) e vogël. Vend (shtet) i vogël. Fshat (qytet) i vogël. Shtëpi (dhomë) e vogël. Me trup (me shtat) të vogël. Me sy (me veshë) të vegjël. Gishti i vogël. Truri i vogël (anat.). Këpucë të vogla. Gjethe të vogla. Artikull (lajm) i vogël. Shkronjat (germat) e mëdha dhe shkronjat (germat) e vogla.
2. Që është i paktë në sasi; që përbëhet nga një numër jo i madh njerëzish, kafshësh a sendesh, që është me pakicë; kund. i madh. Sasi e vogël. Shumë e vogël të hollash. Një trashëgim i vogël. Familje e vogël. Çetë e vogël. Popullsi e vogël. Tufë e vogël. Grup i vogël. Numër i vogël. Shumëfishi më i vogël i përbashkët (mat.).
3. Që bëhet për një kohë të shkurtër, që zgjat pak kohë, i shkurtër; kund. i gjatë; i madh. Ndërprerje e vogël. Pushimi i vogël. Ra një shi i vogël. Është e vogël dita në dimër.
4. Në moshë të njomë; i mitur, i parritur; më i ri se një tjetër ndër të tjerët; kund. i madh. Fëmijë (djalë)i vogël. Çupë e vogël. Motra e vogël. Vëllai i vogël. Moshë e vogël. Është ende i vogël.
5. bised. Që ka pozitë shtetërore a shoqërore jo të lartë; që ka aftësi a mundësi të pakta në krahasim me një njeri të shquar e të fuqishëm në një fushë veprimtarie; që nuk ka shumë vlerë a rëndësi. Nëpunës i vogël. Shkrimtar i vogël.
6. Që zotëron një pronë jo të madhe, që nuk ka shumë kapital; që ka pak mjete e mundësi materiale; që nxjerr a që jep prodhim të paktë; kund. i madh. Pronarë (sipërmarrës) të vegjël. Ndërmarrje e vogël. Biznes i vogël. Prodhimi i vogël zejtar.
7. bised. Që ka pak pasoja, që ngre peshë pak, që sʼka ndonjë rëndësi thelbësore a të madhe, jo i rëndësishëm, i dorës së dytë; kund. i madh. Gabim (faj) i vogël. Çështje (punë, gjë) e vogël. Hollësira të vogla. Pati një shqetësim të vogël.
8. I imët, i hollësishëm, që bëhet duke biseduar me njerëzit një nga një. Organizimi i vogël i punës.
9. keq. Që lidhet vetëm me veten a me interesin e vet, i ngushtë; që nuk është zemërgjerë; që nuk është fisnik nga shpirti, shpirtvogël. Me qëllime (me interesa) të vogla. Me shpirt të vogël. Njeri i vogël.
10. zool. Përdoret si pjesë e dytë e disa emërtimeve të pathjeshta, që tregojnë zakonisht një lloj insekti dëmtues. Barishtori i vogël. Grerëza e vogël. Syri i vogël. Biruesi i vogël. Brumbulli i vogël i duhanit. Tenja e vogël e rrushit.
✱Sin.: vogëlush, vocërrak, i vockël, i vocërr, picërrak, camërdhok, vogëlec, çufrak, trupvogël, shtatvogël, truppaktë, shtatpaktë, i ngushtë, i cekët, i imët, imëtak, i pakët, i shkurtër, shpirtvogël.
♦ *Arusha (Qerrja) e Vogël astr. I ka rënë në *tru të vogël (dikujt). Nga *ferra e vogël del lepur i madh. Me *gjuhën e vogël keq. Ka *enë të vogël (dikush) keq. E ka zemrën të vogël (ka zemër të vogël) (dikush) është zemërngushtë, është shpirtvogël; ka shpirt të vogël; kund. e ka zemrën të madhe (ka zemër të madhe) (dikush). Në *kishën e vogël fle një prift i madh. Nuk luan as *gishtin (e vogël) (dikush). *I madh e vogël. *Nevoja e vogël euf. E ka parë *ujkun që i vogël (dikush). *Ujët e vogël (e hollë) euf. S’e vë as në *gishtin e vogël (dikë). Me *zemër (me shpirt) të vogël.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë