Fjalori

Rezultate në përkufizime për “trullosje”

Mëso si ta përdorësh
<<< Kthehu te kërkimi kryesor në fjalor

ANDRALLOSJE

ANDRALLÓSJ/E,~A f. sh. ~E, ~ET 1. Veprimi kur andrallos ose kur andrallosem.
2. Trullosje, shqetësim; të andrallosur. E kishte zënë andrallosja. Mos të zënçin andrallosjet! Andrallosje e kotë.
✱Sin.: shqetësime, trullosje, vërdallosje, hutim, habi, turbullim, derte, halle.

BABITJE

BABÍTJ/E,~A f. sh. ~E, ~ET Trullosje, hutim, çakërdisje.

CAPARIM

CAPARÍM,~I m. sh. ~E, ~ET Veprimi kur caparoj dikë ose kur caparohem, hutim.
✱Sin.: shastisje, përhumbje, trullosje, hutërrim, çakërdisje, trallisje.

DALLDI

DALLDÍ,~A f. Gjendje shpirtërore e turbullt e një njeriu që është pushtuar nga një ndjenjë tronditëse ose që është dhënë pas dikujt a pas diçkaje në mënyrë të papërmbajtur saqë harron gjithçka rreth vetes; turbullim i brendshëm, shastisje. Ra në dalldi. Është në dalldi.
✱Sin.: dalldisje, delir, turbullim, shastisje, trullosje, përhumbje, trallisje, çakërdisje, kuturisje, shpërthim, hutim, harlisje.

DEHJE

DÉHJ/E,~AI f. sh. ~E, ~ET 1. Veprimi kur deh dikë; turbullim i mendjes, humbje e kontrollit të vetvetes nga pija alkoolike. Dehje me raki (me verë). Dehje nga alkooli.
2. Gjendje që shkaktohet nga përdorimi i alkoolit ose substancave që turbullon ndërgjegjen, të qenit i dehur. Është në dehje. I ndodh një dehje dhe kryen një vepër penale. Ai foli në gjendje dehjeje.
3. fig. Turbullim i mendjes nga një gjendje kënaqësie e madhe shpirtërore. E kapi një si dehje nga kjo ringjallje e shpresës. Dehja e dashurisë e bëri të harronte gjithçka tjetër. E ndiente një dehje lumturie.
✱Sin.: të pirë, pije, pirje, trullosje, zdërhallje, turbullim, çoroditje, ekstazë.

GJESHTËRZ

GJÉSHTËRZ,~A f. veter. Trullosje e bagëtisë nga gjineshtra.

HAPËRI

HAPËRÍ,~A f. sh. ~, ~TË krahin. Dalldi; shastije.
✱Sin.: dalldi, hutim, shastije, trullosje, turbullim.

HAPËRIM

HAPËRÍM,~III m. sh. ~E, ~ET 1. Harxhim i parave pa llogaritje; shpenzim i tepërt, i pamenduar dhe i pakontrolluar.
2. Dalldisje; hapëri. Yll në qiell frymëzimi, ndjenjë shpirti, hapërim.
✱Sin.: harxhim, shpenzim, prishje, shterim, konsumim, dalldi, hutim, shastije, trullosje, turbullim.

HUTIM

HUTÍM,~I m. sh. ~E, ~ET 1. Gjendja e dikujt kur hutohet; kur nuk e përqendron dot vëmendjen tek diçka, turbullimi i mendjes kur njeriu është i hutuar; hutesë, të hutuarit. Hutim i madh. E kishte nga hutimi.
2. Habitje; shastisje. Çaste (gjendje) hutimi. I kaloi hutimi.
3. krahin. Lajthitje, gabim a shkarje e gjuhës. Në punim ka shenja hutimi. Në punim ka lajthitje, lapsuse.
✱Sin.: hutesë, të hutuarit, shastisje, trullosje, harrim, habitje, përhumbje, trallisje, dalldisje, dalldi, çakërdisje, shushatje, çorientim.

KALAMENDJE

KALAMÉNDJ/E,~Af. sh. ~E, ~ET 1. Përkundje a lëkundje në kolovajzë; kolovitje.
2. fig. Marrje mendsh, hutim; trullosje.
✱Sin.: kolovitje, përkundje, trullosje, hutim.

MARRAKOTJE

MARRAKÓTJ/E,~A f. 1. Veprimi dhe gjendja kur marrakot dikë ose kur marrakotem.
2. Marramendje. Lëvizje këmbësh, duarsh e kokash, gjithçka u përzje në marrakotje.
3. fig. Trullosje, hutim, turbullim. Të gjitha këto marrakotje i ka nga dashuria. Veprimet e tij treguan një marrakotje të qartë. Qe një vendim i marrë pak në marrakotje.

NANURISJE

NANURÍSJ/E,~A f. sh. ~E, ~ET Veprimi kur nanuris ose kur nanurisem. Nanurisja e lehtë e valëve. Nanurisja e s’ëmës. Nën atë nanurisje të ëmbël, gjumi e vuri poshtë.
✱Sin.: përkundje, përgjumje, ninullë, ullulla, shushatje, trullosje, përkëdhelje, shushurimë.

NGURROSJE

NGURRÓSJ/E,~A f. Tronditje, trullosje.

QORROLLISJE

QORROLLÍSJ/E,~A f. sh. ~E, ~ET bised. Shushatje. U përfshi në një qorrollisje disamujore debatesh pa fund kundër njeri-tjetrit. Qorrollisje prej verës.
✱Sin.: shushatje, trullosje, të qollorisurit.

QORROLLISUR

QORROLLÍSUR, ~IT (të) as. Qorrollisje. Të qorrollisurit prej sëmundjes së menjëhershme.
✱Sin.: shushatje, trullosje.

SHAPAKOTJE

SHAPAKÓTJ/E,~A f. vet. nj. 1. Gjendja kur dikush bëhet a sillet si torollak; trullosje, shushatje. Kishte rënë në sy ajo shapakotje e tij. Dallohej shapakotja e vajzës. Nuk po e ndiente më shapakotjen e një ditë më parë.
2. Gjendja kur dikush bëhet a sillet si hutaq, si i matufosur; shastisje, hutim. Shapakotja ia kishte fshirë logjikën. Ishte përhumbur në shapakotje. Nuk kishte kohë për shapakotje të tjera.
✱Sin.: trullosje, shushatje, hutim, matufosje, shastisje, rrjedhje, ronitje.

SHASTI

SHASTÍ,~A f. sh. ~, ~TË Ndjenjë e fortë habie, shastisje. Pati një shasti. Po vështronte gjithë shasti. Shastia e medias.
✱Sin.: shastisje, shushatje, trullosje, habi, hutim, dalldi.

SHASTISJE

SHASTÍSJ/E,~A f. vet. nj. Ndjenjë habie shumë e madhe, hutim nga diçka apo dikush; shushatje, trullosje. Lajmi kaloi pa asnjë shastisje. Ndjeu një shastisje të plotë. Ai veprim kishte shkaktuar shastisje.
✱Sin.: habi, hutim, shushatje, shasti, trullosje, dalldi, përçartje.

SHUSHATJE

SHUSHÁTJ/E,~A f. vet. nj. 1. Gjendja kur shushat dikë ose kur shushatem; trullosje. Shushatje e menjëhershme.
2. Gjendja kur je matufosur. Shushatje nga pleqëria.
✱Sin.: hutim, trullosje, shastisje, nanuritje, habitje, mahnitje, çorientim, çuditje, matufosje, pagjumësi.

SKOTITJE

SKOTÍTJ/E,~A f. Shtangie, trullosje. Në atë takim skotitja ishte shumë e madhe.
✱Sin.: befasi, habi, heshtje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë