Fjalori

Rezultate në përkufizime për “triumfoj”

Mëso si ta përdorësh
<<< Kthehu te kërkimi kryesor në fjalor

FITOJ

FIT/ÓJ vep., ~ÓVA, ~ÚAR kal. 1. Nxjerr të ardhura nga një punë që kryej; siguroj fitime. Fitonte para. Fitonin bukën e gojës. Fitonte shumë.
2. Kam përfitim, nxjerr fryte, përfitoj. Fitoi shumë nga ajo punë.
3. kal. dhe jokal. Arrij a siguroj diçka, duke luftuar ose duke punuar me këmbëngulje e me përpjekje të mëdha; dal fitimtar, arrij fitore; kund. humb. Fitoj ndeshjen (kampionatin). Fitoj me të madhe. Fitoj me lehtësi. Fitoj me shumicë votash.
4. Përvetësoj diçka që më duhet ose që e dëshiroj; i siguroj vetes diçka të mirë e të vlefshme; kund. humb, humbas. Fitoj një profesion (një zanat). Fitoj njohuri (dije, shprehi, përvojë). Fitoj kohë.
5. Bëj që të tjerët të më vlerësojnë e të më trajtojnë në një mënyrë të caktuar; siguroj. Fitoi famë. Fitoi autoritet të madh. Fitoj dashurinë (nderimin, besimin).
6. E tërheq dikë në anën time, e bëj për vete. Fitoi shumë miq me veprimet e saj.
7. Nxjerr a prodhoj diçka, përftoj. Fitoi një produkt tjetër.
8. bised. Pësoj diçka të keqe e të dëmshme a diçka të papëlqyeshme; marr, ha. Fitoi një të ftohur. E fitoi një të sharë pa pasur nevojë.
✱Sin.: marr, siguroj, nxjerr, përfitoj, qit, përftoj, ngadhënjej, triumfoj, marr, ha.
♦ Fitoj flamurin dal i pari; korr fitore. Fitoi kush fitoi ata që punuan me kohë e me mend dolën të fituar, të tjerët s’patën ndonjë të mirë. Fitoi *pikë (dikush) libr. Fiton *terren (diçka) libr. Fiton *tokë (truall) (diçka). Më fitoi (më rrëmbeu, më grabiti) *zemrën (dikush).

FITORE

FITÓR/E,~JA f. sh. ~E, ~ET Përfundimi ngadhënjimtar i një lufte, i një beteje, i një gare etj., që arrihet me përpjekje e me këmbëngulje të madhe, duke kaluar vështirësi e pengesa; kund. humbje. Fitore e madhe (e rëndësishme, historike). Kthehem me fitore. Fitore e merituar (e lehtë). Fitore e thellë. sport. Rruga e fitores. Goli i fitores (sport.). Përfundon me fitore.
✱Sin.: triumf, fitim, ngadhënjim.
♦ Korr fitore, kthehem me fitore triumfoj, ngadhënjej. Fitore si e Pirros fitore me humbje shumë të mëdha.

NGADHËNJEJ

NGADHËNJ/ÉJ vep., ~ÉVA, ~ÝER lart., jokal. 1. Thyej çdo qëndresë dhe dal fitimtar mbi dikë a mbi diçka; arrij një fitore të plotë mbi dikë a mbi diçka. Ngadhënjyen mbi armikun (mbi pushtuesin).
2. kal. E vë dikë a diçka nën pushtetin tim, bëj për vete, mposht; pushtoj. Ngadhënjeu masat e gjera të lexuesve.
✱Sin.: fitoj, triumfoj, mposht, pushtoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë