Fjalori

Rezultate në përkufizime për “triskë”

Mëso si ta përdorësh
<<< Kthehu te kërkimi kryesor në fjalor

TALLON

TALLÓN,~I m. sh. ~Ë, ~ËT 1. ek., hist. Triskë që i jepej çdo familjeje nga këshilli i lagjes së qytetit para vitit 1990 për të blerë mallra (vaj, sheqer, bulmet, mish, kafe etj.) në sasi të kufizuar; triskë (racionimi); kupon, latë; Tallona për mallra ushqimore. Talloni i mishit. Talloni i kafesë. Tallon karburanti (nafte, benzine) kupon me të cilin shoferi furnizonte automjetin me karburant.
2. Letrat që mbeten pasi u ndahen lojtarëve (në lojën me letra).
✱Sin.: triskë, kupon, latë.

TRISKË

TRÍSK/Ë,~AI f. sh. ~A, ~AT hist., ek. 1. Fletë e vogël, e ndarë në lata, ku shënohej sasia e ushqimeve, e lëndëve për ngrohje, e artikujve të veshmbathjes etj., që merrte një njeri a familja (në sistemin e shpërndarjes me normë të caktuar); tallon. Triska e bukës (e ushqimeve). Triska e druve. Triskë vajguri. Merrnin (bukë, veshmbathje) me triskë. S'ka më triska.
2. vjet. Dokument për anëtarësinë në një parti, në një organizatë ose për lidhjen me një detyrë; teserë. Triskë partie. Triskë studenti.
3. vjet. Copë dërrase.
✱Sin.: tallon, teserë, kartë, dërrasë.

TRISKËTOJ

TRISKËT/ÓJ vep., ~ÓVA, ~ÚAR hist., ek., kal. 1. Caktoj mallrat e konsumit që do të shpërndahen me triskë; vendos tallonin, racionoj. Triskëtoi ushqimet.
2. Pajis me triskë personin a familjen.

TRISKËTUAR

TRISKËTÚAR (i, e) mb., hist., ek. Që është triskëtuar, që shpërndahet me triskë, që jepet me tallon; i racionuar. Mallra të triskëtuara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë