Fjalori

Rezultate në përkufizime për “trisk”

Mëso si ta përdorësh
<<< Kthehu te kërkimi kryesor në fjalor

TRISKULL

TRÍSKU/LL,~LLI m. sh. ~J, ~JT 1. Filiz i ri, që del në pranverë nga rrënjët e bimëve ose në trungun e drurëve; bisk, lastar. Ka lëshuar triskuj. Triskull i hollë. Triskulli i fikut.
2. Diçka e imët, e hollë dhe me majë; copëz. Triskull sapuni. U harxhua sapuni, mbeti vetëm një triskull.
3. Rriskë, thelë, fetë. Triskull buke, Preu proshutën në triskuj.
4. Rrasë petë, pllakë4, fiçor1. Luanin me triskuj.

TRISKË

TRÍSK/Ë,~AI f. sh. ~A, ~AT hist., ek. 1. Fletë e vogël, e ndarë në lata, ku shënohej sasia e ushqimeve, e lëndëve për ngrohje, e artikujve të veshmbathjes etj., që merrte një njeri a familja (në sistemin e shpërndarjes me normë të caktuar); tallon. Triska e bukës (e ushqimeve). Triska e druve. Triskë vajguri. Merrnin (bukë, veshmbathje) me triskë. S'ka më triska.
2. vjet. Dokument për anëtarësinë në një parti, në një organizatë ose për lidhjen me një detyrë; teserë. Triskë partie. Triskë studenti.
3. vjet. Copë dërrase.
✱Sin.: tallon, teserë, kartë, dërrasë.

TRISKË

TRÍSK/Ë,~AII f. sh. ~A, ~AT Pikël, cirkë2. Bostan (mollë) me triska. Fustan me triska.

TRISKË

TRÍSK/Ë,~AIII f. sh. ~A, ~AT zool. (lat. Parus caeruleus) Trishtil i kaltër¸ zog i vogël, aktiv që këndon në mënyrë melodike, me kokë me ngjyrë të kaltër dhe të bardhë, me kraharor me ngjyrë të verdhë dhe shpinë me ngjyrë të gjelbër në blu.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë