Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BALÁD/Ë,~A f. ~A, ~AT 1. let. Poemë e vogël ose vjershë në vargje të rregullta, me karakter tregimtar, zakonisht me frymë popullore e lirike, që rrëfen një ngjarje historike, legjendare a heroike. Baladë popullore (heroike). Baladë për Skënderbeun. Balada e murimit. Balada arbëreshe.
2. muz. Pjesë muzikore për zëra ose për vegla, që ka karakter tregimtar e heroik. Këndoi një baladë.
KALLËZÚES,~II m. sh. ~, ~IT 1. let. Ai që tregon një përrallë, një tregim a diçka tjetër; tregimtar.
2. drejt. Ai që kallëzon në organet përkatëse një faj që ka parë vetë, një ankesë etj.; ai që bën një padi ndaj dikujt; paditës. Ajo debatoi me kallëzuesin.
✱Sin.: tregimtar, kallëzimtar, denoncues, paditës.
LIGJËRÍM,~II m. sh. ~E, ~ET 1. Veprimi kur ligjëroj, kur flas në mënyrë të zgjeruar e të qëllimshme mbi një temë; mbajtja e një ligjërate a e një fjale para të tjerëve. Ligjërimi i tij në kuvend zgjati mbi një orë.
2. gjuh. Gjuha e gjallë kur e flasim a e shkruajmë, gjuha në çastin e përdorimit të saj nga njerëzit. Gjuha dhe ligjërimi. Stili i ligjërimit.
3. gjuh. Variant i gjuhës me disa veçori dalluese, që përcaktohen nga rrethanat në të cilat bëhet kumtimi dhe nga qëllimi i kumtimit; stil i gjuhës; mënyrë të foluri; mënyra e shqiptimit në të folur. Ligjërimi letrar ligjërim i normëzuar që përdoret nga njerëzit e shkolluar, gjuhë letrare. Ligjërimi bisedor. Ligjërimi libror. Ligjërimi poetik. Ligjërimi i thjeshtë. Ligjërimi dialektor. Ligjërim tregimtar. Ligjërim i plotë (i lirë). Ligjërim i hollë (i trashë).
4. E folme; gjuhë. Ligjërimi i krahinës (i fshatit). Ligjërimet arbëreshe.
5. Kuvend, bisedë. U mblodhën në ligjërim.
6. fig. Zëri i disa zogjve që këndojnë ose cicërojnë bukur, kënga e zogjve; shushurimë a fëshfërimë e ëmbël që të ngjall kënaqësi. Ligjërimi i bilbilit. Dëgjohej ligjërimi i lumit (i drurëve, i pyllit).
✱Sin.: e folur, lexim, fjalim, shqyrtim, kuvendim, pleqërim, këndim, cicërimë, shushurimë, fëshfërimë, e folme, gjuhë, stil, shqiptim, kuvend, bisedë.
MAHITÁR,~I m. sh. ~Ë, ~ËT 1. Ai që bën shaka e shpoti me të tjerët, ai që bën mahi; shpotitës, hokatar, shakaxhi. Një mahitar i shkëlqyer. Ishte mahitar, tregimtar dhe rapsod i talentuar.
2. Gënjeshtar, rrenacak. Mos i beso shumë atij, është mahitar i madh.
✱Sin.: hokatar, shakaxhi, shpotitës, gënjeshtar, rrenacak.
PËRSHKRÍM,~I m. sh. ~E, ~ET 1. Veprimi kur përshkruaj ose kur përshkruhet diçka. Përshkrimi i natyrës (i ngjarjeve).
2. Ajo që shprehim me shkrim a me gojë kur duam të japim pamjen e jashtme të një njeriu, të një sendi, të një vendi etj. ose të shtjellojmë si u zhvillua një dukuri a një ngjarje; tregim i hollësishëm për diçka. Përshkrim i plotë (i gjallë, i qartë). Bëri një përshkrim të mirë (të hollësishëm). E njohëm nga përshkrimi i tij.
3. let. Lloj tregimtar i prozës së shkurtër letrare a publicistike, në të cilin jepen, pa hyrë në analizën e lidhjeve të brendshme të gjërave, tiparet e një njeriu, të natyrës etj. ose përshkruhet një dukuri e jetës, një ngjarje etj. Përshkrim letrar. Përshkrim i shkurtër (i goditur). Botoi një përshkrim tërheqës.
✱Sin.: tregim, kallëzim, rrëfim, përvijim, skicim, skicë.
TIPOLOGJÍ,~A f., libr. Klasifikimi i qenieve, i sendeve, i gjuhëve dhe i dukurive të ndryshme sipas tipareve thelbësore të përbashkëta, ndarja e tyre në tipa; klasifikim, renditje, radhitje, kategorizim, nomenklaturë, taksinomi; klasifikim i tipave. Tipologji e librit. Tipologji fjalorësh. Tipologjia e gjuhëve (gjuh.). Tipologjia e teksteve (gjuh.) klasifikim i teksteve në pesë tipa (tregimtar, përshkrues, argumentues, shpjegues, urdhërues). Tipologjia e romanit (let.). Tipologji ekonomike (soc.). Tipologji e strukturave shoqërore (soc.).
✱Sin.: klasifikim, renditje, radhitje, kategorizim, nomenklaturë, taksinomi.
TREGIMTÁR,~E mb. Që ka të bëjë me tregimin, që i përket tregimit; që është mbështetur në tregime, që ka karakterin a natyrën e një tregimi, që shtjellohet si tregim. Eposi tregimtar. Prozë tregimtare. Poemë tregimtare. Burime tregimtare. Me karakter tregimtar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë