Fjalori

Rezultate në përkufizime për “trapitur”

Mëso si ta përdorësh
<<< Kthehu te kërkimi kryesor në fjalor

TRAPIT

TRAPÍTI (TRAPÍS) vep., ~A, ~UR 1. jokal. Kaloj nëpër shtigje të ngushta a nëpër dhiare, eci nëpër trape (në mal a në pyll); eci nëpër shtigje që e shkurtojnë udhën, shkoj rrugë e pa rrugë për të arritur më shpejt, i bie shkurt, pres shkurt. Trapiti sapo e lajmëruan.
2. jokal. Bredh poshtë e përpjetë, shëtit a shkoj andej-këndej, sorollatem. Trapit gjithë ditën. Trapit andej-këtej. Nga trapite sot gjithë ditën? Kush trapit shumë, mbetet pa punë. (fj. u.).
3. kal. Kërkoj diçka a dikë andej-këtej, e kërkoj në çdo vend. E ku nuk e trapitën, po nuk e gjetën dot. E trapiti tërë ditën. S’lanë vend pa e trapitur.
✱Sin.: kaloj, eci, bredh, shëtit, sorollatem, varavingem, kërkoj.

TRAPITUR

TRAPÍTUR (i, e) mb. 1. Që i është bërë gjedhja, i modeluar, i formësuar, i trajtësuar. Bust i trapitur. Shtatore e trapitur.
2. Që është i thurur mirë. Gardh i trapitur.
3. Që është modeluar mirë.

VARRTRAPITUR

VARRTRAPÍTUR mb. Që i është çarë varri e i ka shkarë më poshtë, që e ka varrin të trapitur a të prishur; varrvithisur; varrdyndur; si mallk. që mos i mbettë as varri, që iu bëftë varri trap. Njeri varrtrapitur.

VARRTRAPITUR

VARRTRAPÍTUR,~I m. sh. ~, ~IT Ai që i është çarë varri e i ka shkarë më poshtë, që e ka varrin të trapitur a të prishur; varrvithisur; varrdyndur; si mallk. që mos i mbettë as varri, që iu bëftë varri trap. Atë varrtrapiturin edhe toka nuk e mban.

VARRTRAPITUR

VARRTRAPÍTUR,~A f. sh. ~A, ~AT Ajo që i është çarë varri e i ka shkarë më poshtë, që e ka varrin të trapitur a të prishur; varrvithisur; varrdyndur; si mallk. që mos i mbettë as varri, që iu bëftë varri trap. Atë varrtrapiturën edhe toka e ka rëndë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë