Fjalori

Rezultate në përkufizime për “transplantim”

Mëso si ta përdorësh
<<< Kthehu te kërkimi kryesor në fjalor

ALOPLASTIKË

ALOPLASTÍK/Ë,~A f., mjek. 1. Zëvendësimi i një organi me një organ të marrë nga dikush tjetër, me anën e operacionit kirurgjik plastik; transplantim. Aloplastikë e nyjave të gjunjëve.
2. Rregullim kirurgjikal ose rigjenerim i flokëve, i lëkurës ose i një pjese tjetër të trupit që është dëmtuar, që mungon a që mund të ndryshohet. Aloplastika e fytyrës. Aloplastikë e flokëve (mbjellja).

ARTISJE

ARTÍSJ/E,~A f. sh. ~E, ~ET bujq. 1. Procesi i nxjerrjes dhe i rimbjelljes së fidanëve me dorë ose me makinë artisëse nga farishtet në kopshte, në fusha ose në serra; shpërngulje e rasatit; ndërrim a mbjellje e fidanëve. Artisja e fidanëve.
2. biol., bot. Shartimi i qelizave, i indeve ose i organeve që merren nga një pjesë e trupit të një individi ose të një bime për ta vendosur në një tjetër; transplantim. Artisje e lëkurës së djegur.

TEJMBJELLJE

TEJMBJÉLLJ/E,~A f. sh. ~E, ~ET bujq. 1. Punë që kryhet për të tejmbjellë një bimë; shkulje e një bimë ose e një peme nga toka ku është dhe mbjellja e saj në një vend tjetër. Mot i mirë për tejmbjellje. Tejmbjellja e fidanëve.
2. mjek. Punë që kryhet për të tejmbjellë një organ; transplantim. Tejmbjellje e vështirë operacion i vështirë për zëvendësimin e organit.

TRANSPLANT

TRANSPLÁNT,~I m. sh. ~E, ~ET mjek. Veprimi kur marr dhe vendos një organ ose një ind nga një dhurues te një pranues, për të zëvendësuar një organ të sëmurë. ose të dëmtuar; transplantim.

TRANSPLANTIM

TRANSPLANTÍM,~I m. sh. ~E, ~ET 1. mjek. Transplant, tejmbjellje. Transplantim veshke.
2. bujq. Zhvendosja e një bime nga një vend (vazo ose kopsht i përkohshëm) në vendin përfundimtar të rritjes. Pas rritjes së fidanëve, bëhet transplantimi i tyre në tokë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë