Fjalori

Rezultate në përkufizime për “trandur”

Mëso si ta përdorësh
<<< Kthehu te kërkimi kryesor në fjalor

DANGËLLUAR

DANGËLLÚAR (i, e) mb., bised. I tundur e i shkundur; që është i përplasur me dikë a me diçka, i tronditur, i përplasur, i përpjekur.
✱Sin.: i tundur, i lëkundur, i përkundur, i shalakatur, i luhatur, i përhedhur, i trandur, i shkundur, i valëvitur, i tronditur, i përplasur, i përpjekur.

PATRANDUR

PATRÁNDUR (i, e) mb. Që nuk është i trandur, që nuk trandet; i patrandshëm. kund. i trandur. Fytyra i mbeti e patrandur. Ishte kundër imitimit të patrandur.

SHKUNDUR

SHKÚNDUR (i, e) mb. 1. Që ka rënë përtokë pas shkundjes (për kokrrat e pemëve, të drithërave etj.); që i kanë rënë kokrrat pasi e kanë shkundur (për pemët, për kallinjtë etj.). Ullinjtë e shkundur. Man i shkundur. Arrë e shkundur. Kallinj të shkundur.
2. fig. Shumë i varfër, i këputur; që ka mbetur pa një lek në xhep. Ishin të shkundur fare.
3. fig. Që është bërë matuf, i rrjedhur. Plak i shkundur. Është i shkundur (nga trutë).
✱Sin.: i trandur, i tundur, i shkundur.
♦Është i shkundur nga mendtë (dikush) s’është më në rregull nga mendtë, ka roitur; është matufosur, ka rrjedhur; është shkundur nga trutë; i kanë rrjedhur trutë (dikujt); i janë tharë (i kanë shteruar) trutë (dikujt). I shkundur *puplash.

TRANDUR

TRÁNDUR (i, e) mb. Që është trandur, i tronditur. Me shpirt të trandur.

TRONDITUR

TRONDÍTUR (i, e) mb. 1. Që ka lëvizur nga vendi, është çarë a është dëmtuar nga tërmeti. Shkëmb i tronditur. Shtylla të tronditura. Mure (themele, shtëpi, ndërtesa) të tronditura. Urë e tronditur.
2. fig. Që ndodhet në gjendje të rëndë shpirtërore për shkak të një fatkeqësie, të një lajmi të hidhur, të një fyerjeje etj.; shumë i hidhëruar, i turbulluar në shpirt, shumë i shqetësuar. Me zë të tronditur. Foli (pyeti) i tronditur. Ishte i tronditur. Shikonte i tronditur. U ngrit i tronditur. U shpreh i tronditur. Njerëz të tronditur.
3. fig. I lëkundur, i dëmtuar rëndë; i prishur. Marrëdhënie të tronditura.
✱Sin.: i trandur, i përhedhur, i tundur, i lëkundur, i turbulluar, i shqetësuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë