Fjalori

Rezultate në përkufizime për “trallisje”

Mëso si ta përdorësh
<<< Kthehu te kërkimi kryesor në fjalor

BAJALLDI

BAJALLDÍ,~A f., bised. Të përzier dhe si të fikët që i vjen njeriut nga të ngrënët e tepërt, nga një ushqim i keq, nga lodhja etj. Më vjen (kam) bajalldi. I ra bajalldi.
✱Sin.: të fikët, alivan, vilani, zali, të hollë, ligështi, të rëndë, mekth, pasrregull, trallisje, molisje.

CAPARIM

CAPARÍM,~I m. sh. ~E, ~ET Veprimi kur caparoj dikë ose kur caparohem, hutim.
✱Sin.: shastisje, përhumbje, trullosje, hutërrim, çakërdisje, trallisje.

DALLDI

DALLDÍ,~A f. Gjendje shpirtërore e turbullt e një njeriu që është pushtuar nga një ndjenjë tronditëse ose që është dhënë pas dikujt a pas diçkaje në mënyrë të papërmbajtur saqë harron gjithçka rreth vetes; turbullim i brendshëm, shastisje. Ra në dalldi. Është në dalldi.
✱Sin.: dalldisje, delir, turbullim, shastisje, trullosje, përhumbje, trallisje, çakërdisje, kuturisje, shpërthim, hutim, harlisje.

DARALLIM

DARALLÍM,~I m. sh. ~E, ~ET Gjendja kur darallis; turbullim që ndien njeriu kur i merren mendtë; trallisje; marrje mendsh.

HUTIM

HUTÍM,~I m. sh. ~E, ~ET 1. Gjendja e dikujt kur hutohet; kur nuk e përqendron dot vëmendjen tek diçka, turbullimi i mendjes kur njeriu është i hutuar; hutesë, të hutuarit. Hutim i madh. E kishte nga hutimi.
2. Habitje; shastisje. Çaste (gjendje) hutimi. I kaloi hutimi.
3. krahin. Lajthitje, gabim a shkarje e gjuhës. Në punim ka shenja hutimi. Në punim ka lajthitje, lapsuse.
✱Sin.: hutesë, të hutuarit, shastisje, trullosje, harrim, habitje, përhumbje, trallisje, dalldisje, dalldi, çakërdisje, shushatje, çorientim.

MARRAMENTH

MARRAMÉNTH,~I m. Turbullim që ndjen njeriu kur i merren mendtë e i duket sikur çdo gjë përreth i vjen rrotull, marrje mendsh; trallisje. Ka një marramenth i merren mendtë. E zuri (e kapi) marramenthi.

TARKALITJE

TARKALÍTJ/E,~A f. sh. ~E, ~ET Marramenth, marramendje, trallisje, hutim. Çaste tarkalitjeje. E kishte nga tarkalitja.

TRALLISJE

TRALLÍSJ/E,~A f. Gjendja kur trullosem; shastisje, hutim. Trallisje nga vapa. Trallisjen e ka nga dielli i mesditës. Trallisje nga alkooli. I kaloi trallisja. E ka nga trallisja.

TRULLOSJE

TRULLÓSJ/E,~A f. 1. Humbje pjesërisht e vetëdijes; marrje mendsh nga ndonjë goditje në kokë, nga alkooli a nga ndonjë rrotullim i fortë. Trullosje nga vapa (nga rakia). Trullosje nga rruga plot kthesa.
2. Hutim, turbullim (i mendjes), shastisje, qorrollisje. Trullosje e lehtë. E ka nga trullosja.
✱Sin.: trallisje, turbullim, shushatje, shastisje, marrakotje, tërmekje, hutlim, hutim, habitje, trallisje, turbullim, çakërdisje, marramenth, nanurisje, marramendje, kalamendje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë