Fjalori

Rezultate në përkufizime për “tragëzoj”

Mëso si ta përdorësh
<<< Kthehu te kërkimi kryesor në fjalor

GJURMOJ

GJURM/ÓJ vep., ~ÓVA, ~ÚAR 1. kal. I shkoj pas gjurmëve; e kërkoj për ta zënë a për ta asgjësuar; e ndjek dhe e përgjoj fshehurazi dikë. Gjurmon derrin e egër. E gjurmoi deri në strofkë. Gjurmonin një keqbërës.
2. fig., kal. Bëj kërkime për të gjetur a për të zbuluar diçka; hetoj një çështje, një punë etj.: Gjurmoj prejardhjen e fjalëve. Gjurmon një çështje.
3. jokal. Eci, endem. Gjurmon rrugëve.
✱Sin.: gjëmoj, gjuaj, tragëzoj, përgjoj, hetoj, hulumtoj.

PËRGJOJ

PËRGJ/ÓJ vep., ~ÓVA, ~ÚAR kal. 1. Rri fshehur diku e dëgjoj a vëzhgoj dikë për të marrë vesh çfarë thotë, çfarë bën etj.; ndjek fshehurazi veprimet e dikujt, vëzhgoj pa më parë kush. Përgjonte me kujdes. Përgjonin çdo lëvizje të shpendëve shtegtarë.
2. Vështroj dikë a diçka tërthorazi, e shikoj vjedhurazi. Përgjon me bisht të syrit.
3. Ruaj dikë që ta zë në befasi a të papërgatitur, e ndjek për ta kapur, për ta dëmtuar, për ta sulmuar etj. E përgjonte si macja miun.
4. I rri pranë një të sëmuri rëndë, e ruaj; kaloj natën pranë një të sëmuri që është duke vdekur; ruaj një të vdekur. E përgjuan gjithë natën.
5. Pres që të vijë dikush; pres me padurim dikë a diçka. E përgjuan deri vonë. Përgjonin urdhrin e sulmit.
✱Sin.: gjurmoj, gjuaj, ruaj, ajgëtoj, veshtoj, survejoj, përbuj, pres, vëzhgoj, ndjek, vigjiloj, mbikëqyr, gjej, tragëzoj, spiunoj.

TRAGË

TRÁG/Ë,~A f. sh. ~Ë, ~ËT 1. Vijë që lë një rrotë e një mjeti. Traga e qerres. Shkoj (eci) pas tragës tragëzoj. Lë tragë. E gjeti rrugën me traga.
2. fig. Gjurmë. Traga e gjakut. Eci pas tragës. E humbi tragën.
3. Udhë e ngushtë dhe e vështirë në mal; dhiare, vragë. Tragë e fshehtë. Tragë e verbër udhë e ngushtë që herë shquhet e herë nuk duket fare. Tragë mali. Humbi tragën.
4. fig. Drejtimi që merr një punë, një ngjarje etj.; rrugë, hulli, vijë, brazdë. S’di ç’tragë do të marrë. E futi në tragë.
5. Mend; mendje. Njeri me tragë. S’ka tragë. I iku traga.
✱Sin.: vijë, shenjë gjurmë, udhë, dhiare, monopat, vragë, rrugë, hulli, vijë, brazdë.
♦ Humbas tragën. 1. shih humbas gjurmët. 2. Hutohem pas dikujt a pas diçkaje, nuk di ç’të bëj, shastisem. I humbi traga (dikujt a diçkaje) shih i humbi gjurma (dikujt a diçkaje). Iku nga traga (dikush) u çmend, lajthiti, shkau; lajthiti nga mendtë; luajti mendsh (nga mendtë); ka dalë nga binarët. Nuk ka tragë (dikush) nuk ka ndërmend të bëjë diçka, nuk ka qëllim a nuk synon të bëjë diçka; nuk ka syII 1; nuk e ka syrin. Lë tragë (të thellë) (dikush a diçka) shih lë gjurmë (të thellë) (dikush a diçka). Shkoj pas tragës (së dikujt) shih shkoj (eci) pas gjurmëve (të dikujt). E vuri në tragë (dikë a diçka) shih e vuri në udhë (të mbarë) (dikë a diçka). U vu në tragë (dikush a diçka) shih u vu në udhë (të mbarë) (dikush a diçka).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë