Fjalori

Rezultate në përkufizime për “tradhtuar”

Mëso si ta përdorësh
<<< Kthehu te kërkimi kryesor në fjalor

BEKUAR

BEKÚAR,~A (e) f. sh. ~A (të), ~AT (të) 1. Grua e bekuar; kafshë a ndonjë diçka tjetër e bekuar. - Ku je, moj e bekuar! - Pushka ime, e bekuara që nuk më kishte tradhtuar.
2. mjek., euf. Sëmundje e lisë.
3. zool., euf. Bletë.

PAATDHE

PAATDHÉ (i, e) mb. 1. Që nuk i dihet atdheu ose që nuk ka asnjë atdhe të vetin. Njeri i paatdhe.
2. keq. Që mohon atdheun dhe vepron kundër tij, që nuk ka dashuri për atdheun ose që e ka tradhtuar atdheun. Mercenarë të paatdhe.
✱Sin.: atdhemohues, atdheshitës.

PAKUPTUAR

PAKUPTÚAR (i, e) mb. Që nuk është kuptuar ose nuk kuptohet; kund. i kuptuar. I ndodhur në mes të kësaj situate, Noli, republikan i vendosur, sikur vihet me shpatulla pas muri, i pakuptuar dhe i tradhtuar.

PORDHACËRI

PORDHACËRÍ,~A f. Të qenët pordhac; burracakëri. I tradhtuar nga mendjelehtësia, pordhacëria, vetëbesimi.

SHITEM

►SHÍT/EM jovep., ~A (u), ~UR 1. vetv. Vihem në shërbim të dikujt për përfitim vetjak, duke tradhtuar bindjet, parimet vetjake apo shokët. Shitem për para. Shitet për premtime. Ishte shitur tek kundërshtarët. Ishte shitur kokë e këmbë. Shitet për pak pasuri.
2. vetv. Paraqitem ndryshe para të tjerëve, shtirem. Shitej si besnik. Shitej si demokrat. Shitej si i ndershëm. Shitej si pronar. Shitet si burrë. - Mos na u shit neve! Kush shitet i madh, është i vogël. (fj. u).
3. vet. v. III, pës. e SHES. Celularët shiten shumë. Malli nuk po shitet. Librat po shiten më shumë këtë vit. U shitën të gjithë ekzemplarët. Sa u shitën? Energjia elektrike u shit. Pallati u shit me lekë në dorë. Nuk shitet kali me një të penguar. (fj. u.).
✱Sin.: përshitem, shtirem, hiqem, tregohem, blihet, kërkohet, tërhiqet.

STËRSHITEM

STËRSHÍT/EM jovep., ~A (u), ~UR vetv. 1. Shes gjithçka që kam, s'lë gjë pa shitur (në rast nevoje). U shitën e u stërshitën. I stërshitën gjithçka që kishin.
2. keq. Vihem vazhdimisht në shërbim të njërit e të tjetrit për para e për përfitime të tjera vetjake, shitem herë te njëri e herë te tjetri, duke tradhtuar atdheun, popullin etj. Ishte nga ata që shiteshin e stërshiteshin.

TRADHTAR

TRADHTÁR,~E mb. Që tradhton a që ka tradhtuar; që është karakteristik për tradhtarin, prej tradhtari; që përbëhet nga tradhtarë; që bëhet me tradhti. Njeri tradhtar. Qëndrim tradhtar. Politikë tradhtare. Në mënyrë tradhtare.
✱Sin.: i pabesë, besëshkelës, besëshkelë, besëshkalë, besëprerë, besëthyer, besëthyes, besëkeq, kobtar, atdhemohues, atdheshitës, shpirtshitur, renegat, kuisling, laro, judë.

TRADHTOJ

TRADHT/ÓJ vep., ~ÓVA, ~ÚAR kal. 1. Bashkohem ose bashkëpunoj me armikun në dëm të interesave të vendit; dal hapur a punoj fshehurazi në dëm të interesave të vendit; nuk i qëndroj besnik çështjes së atdheut a të kombit. Tradhtoi vendin (atdheun). Nuk i tradhtoj kurrë interesat e kombit.
2. Shkel besën a fjalën e dhënë; pres në besë dikë, një grup, një parti, një çështje; i dal bese, braktis dikë a diçka me pabesi. Tradhtoi shokun për interes. I dhe besën tjetrit, mos e tradhto!
3. Nuk i qëndroj besnik bashkëshortit a bashkëshortes, shkel besën a besnikërinë bashkëshortore; braktis një njeri të dashur për dikë tjetër, shkel kurorën. U ndanë sepse e mori vesh që e kishte tradhtuar.
4. Tregoj ose shpreh padashur në fytyrë, në sjellje etj., atë që mendoj a që ndiej, zbuloj në mënyrë të pavullnetshme diçka që duhej ta mbaja të fshehtë. E tradhtoi fytyra (zëri). E tradhtuan lotët. E tradhtoi veten.
✱Sin.: njimtoj, kobit, shkel, shtrembëroj.

TRADHTUAR

TRADHTÚAR (i, e) mb. 1. Që është tradhtuar. Burrë i tradhtuar. Grua e tradhtuar. Interesa të tradhtuara. Ndihet i tradhtuar.
2. si em. m. e f. Sipas kuptimit të mbiemrit. I tradhtuari, i përvëluari. (fj. u.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë