Fjalori

Rezultate në përkufizime për “torturues”

Mëso si ta përdorësh
<<< Kthehu te kërkimi kryesor në fjalor

LODHËS

LÓDHËS,~E mb. Që të lodh, që të sjell lodhje; i lodhshëm; kund. çlodhës. Udhëtim lodhës. Punë lodhëse.
✱Sin.: i lodhshëm, rraskapitës, torturues, sfilitës.

MUNDUES

MUNDÚES,~E mb. Që të mundon; torturues. Kujtoi alergjinë munduese të të shoqit. Çdo natë shihte ëndrra munduese. Jeta e tij në mërgim ishte munduese.

MUNDUES

MUNDÚES,~I m. sh. ~, ~IT Dikush ose diçka që të mundon; torturues. Agjentët dhe munduesit e policisë ishin të pamëshirshëm.

SFILITËS

SFILÍTËS,~E mb. 1. Torturues. Kujton vizitat sfilitëse të familjarëve. Kishin bërë një marshim sfilitës.
2. fig Brengosës; që shkakton brengë. Kjo ishte një gjendje sfilitëse.
✱Sin.: rraskapitës, torturues.

TORTURUES

TORTURÚES,~E mb. 1. Që të torturon, që të sfilit. Njeri torturues. Mendim torturues. Sëmundje (dhimbje, ëndrra) torturuese.
2. si em. m. e f. Sipas kuptimit të mbiemrit. Kamxhiku i torturuesit.
✱Sin.: mundues, lodhës, rraskapitës, i mundimshëm, i zorshëm.

ZHDAVARITJE

ZHDAVARITJ/E,~A f. sh. ~E, ~ET 1. Shpërndarja andej-këtej, përhapja, davaritja (e mjegullës, e reve, e errësirës etj.). Zhdavaritja e reve nisi sapo filloi të fryjë një erë e fortë. Zhdavaritjen e mjegullës nga maja e malit e ndihmoi shumë veriu që frynte vazhdimisht.
2. fig. Largimi a heqja nga dikush e një ndjenje a mendimi; dobësimi a zhdukja e kësaj ndjenje. Qysh nga ajo ditë ndodhi zhdavaritja e mërzisë prej meje. Zhdavaritja e besimit te feja nisi të dukej pas prishjes së ndërtesave të kultit. Zhdavaritja e qëllimeve të mbrapshta.
3. Zhdukje3. Pas zhdavaritjes së dyshimit të parë, për dreq, vinte një dyshim tjetër edhe më torturues.
✱Sin.: shpërndarje, përhapje, largim, davaritje, shuarje, shkulje, çrrënjosje, zhdukje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë