Fjalori

Rezultate në përkufizime për “tororis”

Mëso si ta përdorësh
<<< Kthehu te kërkimi kryesor në fjalor

SHAGIT

SHAGÍT (SHAGÍS) vep., ~A, ~UR kal. Ngreh zharg, zvarrit, tërheq rrëshqanë. Shagit të aksidentuarën. E shagiti përmes lagjes. Pasi e kishte shagitur mirë e mirë, e kishte lënë aty.
✱Sin.: zvarrit, zhargit, zhagmit, zhgërryej, rrëshqas, tororis.

TORORIS

TORORÍS vep., ~A, ~UR bised., kal. 1. Hedh a pres foshnjën vogël nëpër duar për ta gëzuar dhe për ta ledhatuar, ose diçka tjetër për të luajtur me të. Tororis djalin (vajzën). Tororis mollën (topin).
2. Vë foshnjën në gjumë duke i kënduar ninulla e duke e përkundur.
3. fig. Sorollat kot dikë; e vonoj dikë duke e mbajtur me fjalë. Mos e tororis, të gjorin.
4. Zgjat a zvarrit shumë një punë. E ka ves që i tororis punët.

TORORISEM

►TORORÍS/EM jovep., ~A (u), ~UR bised., vetv. 1. Sillem kot andej-këtej pa bërë asnjë punë, sorollatem. U tororis gjithë ditën. Ika tani, ika se u tororisa shumë. Nisu se u tororise e të zë nata udhës.
2. Vonohem; bëhem vonë.
✱Sin.: sillem, sorollatem, hallakatem, vonohem.

TËRLAT

TËRLÁT vep., ~A, ~UR kal. Mundoj, sorollat, çoj poshtë e përpjetë. E tërlati një muaj e s’i mbaroi punë.
✱Sin.: mundoj, sorollat, tororis, hallakat.

VARRAKAT

VARRAKÁT (VARRAKÁS) vep., ~A, ~UR bised., kal. E zgjat shumë kohën gjatë së cilës bëhet një punë a kryhet diçka, e vonoj përfundimin e saj, e zvarrit, e mbaj nëpër duar për një kohë të gjatë pa e përfunduar, e shtyj më sot, më nesër. I varrakat punët. E varrakati dasmën. Nuk i varrakat punët. E varrakati projektin për një kohë të gjatë.
✱Sin.: zgjat, tororis, vonoj, zhargit, zhargoj.

VONOJ

VON/ÓJ vep., ~ÓVA, ~ÚAR 1. kal. E bëj diçka pas kohës së caktuar ose pas kohës së zakonshme, e kryej diçka me vonesë; e mbaj gjatë dikë a diçka, e bëj të vonohet; e pengoj të vijë në kohën e duhur. E vonoi përgjigjen. Vonoi postën. E vonoi përfundimin e punës. E vonoi pagesën. E vonoi botimin. Vonon zhvillimin e diçkaje a të dikujt. Mos më vono!
2. jokal. Arrij diku pas kohës së caktuar, vij vonë; vonohem. Vonoi treni. Vonoi pranvera. Vonoi shumë.
✱Sin.: pengoj, mënoj, përmënoj, tororis.

VËRDALLOS

VËRDALLÓS vep., ~A, ~UR bised., kal. E sjell vërdallë, e end andej-këtej dikë, e bëj që të vijë vërdallë; e sorollat pa i kryer punë. E vërdallosi gjithë ditën. E vërdallosi kot të shkretin.
✱Sin.: sorollat, sjell, tororis, end.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë