Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ADIAFÓN,~I m. sh. ~Ë, ~ËT 1. Instrument muzikor me prekla (taste) i ngjashëm me fizarmonikën; lloj pianoje që ka pirunë në vend të telave; instrument muzikor që prodhon tinguj me lartësi jo të saktë të tonit (daullet, kastanjetat, cimbali etj.), që përdoren kryesisht për ritëm dhe efekt tingullor. Tingulli i adiafonit është i ngjashëm me atë të një harmonike qelqi.
2. si mb. Sipas kuptimit të emrit. Instrumente adiafone.
AKORDÍM,~I m. 1. Veprimi kur akordoj ose kur akordohet diçka.
2. muz. Vënie në akord e telave të instrumenteve muzikore, të akorduarit, harmonizimi i tonit të zërave ose të veglave muzikore; kund. çakordim. Akordimi i zërave (i veglave muzikore). Akordimi i radios. Akordimi i interesave (i pikëpamjeve).
3. tek. Rregullim i frekuencave të radios. Akordim i sinjaleve zanore të radios.
4. gjuh. Përshtatje. Akordimi i mbiemrit me emrin. Akordimi i kohëve të foljeve.
5. ek. Dhënie ose marrje e një kredie, një burse, një tenderi etj. Banka miratoi akordimin e kredisë.
✱Sin.: bashkëzërim, bashkëzanim, harmonizim, pajtim, përshtatje, kurdisje.
PATHEKSÚAR (i, e) mb., gjuh. 1. Që nuk është i theksuar; që nuk ka theks; kund. i theksuar. Zanore (rrokje) e patheksuar. Ë-ja e patheksuar.
2. Që nuk i vihet në dukje gjatë të folurit me anë të zërit më të fortë ose të tonit me të ngritur rëndësia kuptimore etj. (për një fjalë a për një pjesë të fjalisë). Fjalët (pjesët) e patheksuara në fjali.
SKUMBRÍ,~A f. sh. ~, ~TË zool. (lat. Scomber scombrus) Peshk gjatush me turi të zgjatur i familjes së tonit, që jeton në Mesdhe, Atlantikun Verior dhe Detin e Zi. Udhëtarët panë nga anija një tufë me skumbri. Skumbritë i kishin grisur rrjetat peshkatarëve gjatë natës. Kuzhinieri kishte bërë një gatim të veçantë me skumbri. Në muajt e verës skumbritë afrohen në brigje ose dalin afër sipërfaqes, në dimër shtegtojnë në ujëra të ngrohta.
TÓN,~III m. sh. ~Ë, ~ËT zool. 1. Peshk i madh grabitqar deri në pesë metra i gjatë e me peshë deri në pesëqind kilogramë, me kurriz në ngjyrë blu të errët e me bark pulla-pulla, që rron në tufa zakonisht në detet e ngrohta. Rrjetë për ton. Gjuetia e tonit. Konserva toni. Ton i bardhë. Ton i kuq ton që rritet në Adriatik, në Jon, në Mesdhe dhe në Atlantikun e Veriut. Ton pendëgjatë. Toni i Mesdheut. Toni i Atlantikut. Ton vizak. Gjuetia e tonit.
2. Mish nga ky peshk. Konserva me ton. Skuqëm ton. Hëngrëm ton.
3. Pjesë e parë e emërtimeve të pathjeshta për disa lloje tonësh. Toni symadh (lat. Thunnus obesus, Parathunnus obesus) lloj toni që rritet në ujërat tropikale dhe të vakëta.
ULTËSÍ,~A f. Të qenët i ulët. Ultësia e tingullit (e tonit). Shkalla krahasore e ultësisë (gjuh.) një nga shkallët e krahasimit të mbiemrave e të ndajfoljeve, kur tiparet e sendeve që krahasohen janë në një shkallë më të ulët se ato të sendeve me të cilat krahasohen ose kur veprimi i shprehur nga folja kryhet në një shkallë më të ulët se një veprim tjetër.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë