Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ATONÍZ/ËM,~MI m., muz. Prirje ose stil muzikor që shmang konceptin e tonalitetit; shfrytëzimi i parimeve atonale në kompozimin muzikor, ku mungon një qendër tonale ose një shkallëzim i akordeve dhe i notave; çlirim nga rregullat tradicionale të muzikës. Atonizëm i lirë. Kompozitorë të atonizmit. Liria krijuese e atonizmit. Shprehësia e atonizmit.
AUDIOMETRÍ,~A f., mjek. Procedurë diagnostikuese që ekzaminon dëgjimin dhe përcakton dëmtimin e mundshëm të dëgjimit, si dhe vendin dhe shkallën e dëmtimit. Audiometria tonale. Audiometria verbale. Audiometria te fëmijët.
MARRËDHË́́NI/E,~A f. sh. ~E, ~ET 1. kryes. sh. Lidhje e ndërsjellë bashkëpunimi, ndihme e bashkëveprimi ndërmjet dy a më shumë njerëzve, palëve, shteteve, organizatave etj. në një fushë të veprimtarisë politike, shoqërore, ekonomike a në punë të ndryshme; të dhënë e të marrë ndërmjet dy a më shumë vetave, palëve etj.; qëndrimi që mbajnë kundrejt njëri-tjetrit. Marrëdhënie të mira (të ngrohta, të ngushta, të këqija, të ftohta). Marrëdhënie miqësore (familjare, martesore, bashkëshortore). Marrëdhëniet e shkollës me prindërit. Marrëdhëniet mësues-nxënës. Krijoj (lidh, vendos, pres, shkëput) marrëdhëniet me dikë. Marrëdhënie të ngushta e të qëndrueshme. Marrëdhënie shtetërore (diplomatike, ekonomike, tregtare, kulturore). Marrëdhënie të fqinjësisë së mirë. Marrëdhënie shoqërore marrëdhënie që vendosen ndërmjet njerëzve në procesin e veprimtarisë së tyre të përbashkët praktike e shpirtërore. Jam në marrëdhënie pune jam në punë, punoj në një ndërmarrje a institucion. Marrëdhënie në prodhim (ek.) marrëdhëniet që vendosen ndërmjet njerëzve në procesin e prodhimit, të shpërndarjes e të këmbimit të të mirave materiale. Marrëdhënie tonale (muz.) lidhjet dhe mënyrat e vendosjes së tonaliteteve të ndryshme, të klasifikuara sipas shmangies, modulacionit dhe krahasimit.
2. gjuh. Lidhje e ndërsjellë ndërmjet sendeve, dukurive ose veprimeve të ndryshme; raport. Marrëdhënie kushtore (kohore, qëllimore). Marrëdhënie të shkakut e të pasojës.
ORGANOLOGJIKÍSHT ndajf., libr., muz. Në mënyrë organologjike, në pikëpamje të ndërtimit dhe funksionimit të veglave muzikore. Instrumentet u analizuan organologjikisht. Organologjkisht pranohet se lahuta ofron mundësi më të mëdha tonale.
TELEGRAFÍ,~A f. Formë telekomunikimi në të cilën informacionet e përcjella me kode regjistrohen në vendmbërritje në formën e një dokumenti grafik; lidhje telegrafike. Kurs për telegrafi. Telegrafi pa tel radiotelegrafi. Telegrafi me zhvendosje dendurish. Telegrafi me shpejtësi të madhe. Telegrafi optike. Telegrafi ushtarake. Alfabet mors i përdorur në telegrafi. Telegrafi harmonike telegrafi tonale. Telegrafi infra-akustike telegrafi nëntonale. Telegrafi multiplekse telegrafi me shumë kanale.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë