Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DAFURRÚAR (i, e) mb., krahin. 1. Që kërkohet me rrëmujë, me ngut e pa sistem nëpër shtëpi; i rrëmujshëm, i ngatërruar. Gjë e dafurruar.
2. I pështjelluar, i koklavitur, i çakërdisur. Bisedë e dafurruar.
3. I shprushitur, i shpuzitur. Zjarr i dafurruar.
✱Sin.: i rrëmujshëm, i pasistemuar, i çrregullt, i ngutshëm, i nxituar, i hallakatur, i çoroditur, i tollovitur, i ngatërruar, i pështjelluar, i koklavitur, i kokolepsur, i çakërdisur, i shpërndarë, i hutuar, i turbulluar, i trullosur, i shastisur, i shprushitur, i shpuzitur, i shpupuritur, i prushitur, i përshkënditur.
DALLASHÍTUR (i, e) mb., bised. 1. I trashë nga mendja, budalla. Ai është pak i dallashitur, nuk kupton gjërat e thjeshta që të tjerët i zgjidhin shpejt.
2. I ngadaltë, i ngathët, i tollovitur. Grua e dallashitur. Njeri i dallashitur.
✱Sin.: i mangët, i trashë, budalla, i ngadaltë, i ngadalshëm, i ngathët, i pështjelluar, i çorganizuar, i tollovitur, i çatrafiluar.
NGATËRRÚAR (i, e) mb. 1. Që është lidhur a bërë bashkë pa rregull, i koklavitur; kund. i çngatërruar, i shkoklavitur. Me flokë të ngatërruar. Lëmsh i ngatërruar. Fletë të ngatërruara.
2. fig. I vështirë për t’u kuptuar a për t’u zgjidhur, i paqartë; i ndërlikuar, i koklavitur. Shprehje të ngatërruara. Mendime (ide) të ngatërruara. Gjendje (punë) e ngatërruar. Ushtrime (probleme) të ngatërruara. Çështje të ngatërruara.
3. I zënë e i grindur me njerëzit. I ngatërruar me të gjithë lagjen.
✱Sin.: i koklavitur, i pleksur, i mpleksur, i korkolepsur, i rrëmujshëm, i turbullt, i ndërliksur, i paqartë, ujem, i vëngër, i ndërlikuar, i vështirë, i stërholluar, i shpupurishur, i shprishur, i tutëluar, i tollovitur, i pështjelluar, i pashkoqitur, i çatrafiluar, i sëkëlldisur, i shkartisur, i trazuar, i çoroditur, i shpupuritur, i rrëmihur.
TOLLOVÍTUR (i, e) mb., bised. Që është tollovitur, i çrregulluar; i ngatërruar.Me mendje të tollovitur.
2. I sorollatur, i hallakatur poshtë e përpjetë.
✱Sin.: i ngatërruar, i turbulluar, i pështjelluar, i çrregulluar, i çakërdisur, i prishur, i sorollatur, i hallakatur.
TURBULLÚAR (i, e) mb. 1. Që është përzier me lëndë të tjera jo të pastra, që ka humbur kthjelltësinë, që është bërë i turbullt; kund. i kulluar. Ujë i turbulluar. Vjen lumi i turbulluar.
2. fig. I hutuar, i trullosur; i shqetësuar, i mërzitur. Me mendje të turbulluar. Me gjak të turbulluar. U ngrit i turbulluar.
✱Sin.: i turbullt, i përlyer, i ndotur, i këllirë, i tronditur, i trullosur, i dehur, i trazuar, i emocionuar, i tollovitur, i paqartë, i hutuari, shqetësuar, i mërzitur, i pështjelluar, i zymtë, i ngrysur.
♦ Me *gjak të turbulluar. Me *mendje të turbulluar (të turbullt).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë