Fjalori

Rezultate në përkufizime për “tolerancë”

Mëso si ta përdorësh
<<< Kthehu te kërkimi kryesor në fjalor

LATITUDINARIZËM

LATITUDINARÍZ/ËM,~MI m. 1. Qëndrim ose doktrinë që lejon liri të gjerë mendimi dhe interpretimi, veçanërisht në çështje fetare, morale apo filozofike. 2. fig. Mungesë përpikërie në ndjekjen e normave dhe parimeve, tolerancë e tepruar. Ai predikonte një latitudinarizëm që lejonte interpretime të ndryshme.
✱Sin.: kompromis, butësi, zemërgjerësi, tolerancë.

MENDJEGJERËSI

MENDJEGJERËSÍ,~A f. Gjykimi dhe vlerësimi i gjërave në gjerësi dhe në thellësi; të qenët mendjegjerë; kund. mendjengushtësi. Dallohej për tolerancë dhe mendjegjerësi. Tregojmë mendjegjerësi në këto momente.

MIRËKUPTIM

MIRËKUPTÍM,~I m. 1. Dëshirë apo prirje për të kuptuar mirë e drejt dikë a diçka për të marrë parasysh gjendjen e tij, vështirësitë e mundësitë që ka etj. pa paragjykime e prapamendime; dhembshuri, zemërbutësi, tolerancë; kund. keqkuptim. Kërkoi mirëkuptimin e mësuesit për vonesën në mësim. Gjeti mirëkuptimin e plotë të shokëve. Tregoi frymë (shenjë) mirëkuptimi. Gjen (shfaq) mirëkuptim. I kreu veprimet në frymën e mirëkuptimit.
2. Marrëdhënie pozitive ndërmjet dy njerëzve a dy palëve, në të cilën tregohet se ata e kuptojnë drejt njëri-tjetrin për çështje të caktuara; kund. keqkuptim. Traktati i mirëkuptimit dhe i miqësisë mes dy vendeve. Nevojitet më shumë mirëkuptim midis partive politike në vend.
3. Marrëveshje. U zgjidh me mirëkuptim. U vendos me mirëkuptim të dyanshëm.
✱Sin.: dhembshuri, zemërbutësi, tolerancë, harmoni, marrëveshje, shkuarje, njëzëshmëri.

MOSPADITJE

MOSPADÍTJ/E,~A f. sh. ~E, ~ET Situatë në të cilën nuk ngre padi kundër dikujt; pamundësi a kundërshtim për të paditur dikë a diçka; kund. paditje. Mospaditja kinse si tolerancë është një veprim i papranueshëm.

MOSTOLERANCË

MOSTOLERÁNC/Ë,~A f. Mungesë tolerance ndaj dikujt a ndaj diçkaje; kund. tolerancë. Mostoleranca ndaj korrupsionit. Mostolerancë racore. Mostolerancë fetare.

NDËRFETAR

NDËRFETÁR,~E mb. Që ndodh ndërmjet feve të ndryshme. Bashkëjetesë (harmoni) ndërfetare. Kanë tolerancë ndërfetare.

PLURILINGUIZËM

PLURILINGUÍZ/ËM,~MI m. 1. Aftësia e një folësi ose e një bashkësie folësish për të komunikuar në mënyrë efektive në shumë gjuhë.
2. Gjendje me disa gjuhë zyrtare brenda një shteti, multilinguizëm.
3. Tolerancë gjuhësore në një vend ku fliten gjuhëve të ndryshme.

TOLERANCË

TOLERÁNC/Ë,~A f. 1. Aftësia apo gatishmëri për të toleruar ekzistencën e opinioneve a sjelljeve që dikush nuk i pëlqen apo nuk është dakord me to; kund. fanatizëm, intolerancë. Përfiton nga tolelanca e tij. Nuk është një e drejtë, është thjesht tolerancë.
2. mjek. Aftësia që ka dikush për të duruar vazhdueshëm pa reaksion konsumimin e një ushqimi a ilaçi apo ekspozimin ndaj kushteve mjedisore të caktuara; kund. intolerancë.
✱Sin.: mirëkuptim, shpirtgjerësi, liberalizëm, lejim, respekt, durim, lejesë, shmangie.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë