Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
SHPËLÁRË (i, e) mb. 1. Që është shkuar në ujë të pastër për t'i hequr shkumën pas larjes; që është pastruar me ujë. Rrobat e shpëlara. Enët e shpëlara.
2. Që është zbehur, që nuk është më e fortë dhe e qartë; që është zbërdhulur (për ngjyrën). Ngjyrë (bojë) e shpëlarë.
3. fig., mospërf. Që është pa shije e pa kripë, që nuk të tërheq, që të lë të ftohtë, që nuk ka asgjë të veçantë e nuk të ngjall ndonjë ndjenjë; që nuk shpreh asgjë, i zbarët; që ka përmbajtje të dobët a të varfër, pa ndonjë vlerë të vërtetë e pa forcë ndikuese. Njeri i shpëlarë. Sy të shpëlarë. Zë i shpëlarë. Shaka (fraza) të shpëlara. Muhabet i shpëlarë. Vjersha të shpëlara. Pikturë (tablo) e shpëlarë.
4. spec. Që i janë marrë nga ujërat lëndët e nevojshme ushqyese, e varfër (për token). Toka të shpëlara.
5. bised., keq. I paturp, i pacipë, që as skuqet, as zverdhet. Është fare i shpëlarë.
✱ Sin.: i zbërdhulët, i zbardhur, i zbarët, i zbaritur, i pashijshëm, i pashije, i pakripë, bajat, i pakëndshëm, i palezetshëm, i palezet, i papëlqyeshëm, i palyrë, i mërzitshëm, jotërheqës, i ftohtë, i pandjenjë, i varfër, i paturp, i pacipë, i pafytyrë, i paturpshëm, i zbrazët, i paide, i pabrumë.
ZHURÍTUR (i, e) mb. 1. Që është djegur fare, që është bërë shkrumb, i shkrumbuar. Bukë e zhuritur. Pyll i zhuritur. Fshat i zhuritur. Plandosen në tokën e zhuritur. Këndon gjinkalla e zhuritur.
2. Që është tharë fare nga të nxehtët a nga mungesa e ujit, i përvëluar (për token, bimët); që ka etje të madhe, që është djegur për një pikë ujë; që është tharë a është përvëluar për ujë; i përvëluar, i djegur, i përcëlluar. Tokë e zhuritur. Fushës së zhuritur. Pemë të zhuritura. Me buzë të zhuritura. Njomi fytin e zhuritur.
3. fig. Që digjet nga malli, nga dëshira a nga dashuria për dikë a për diçka, i djegur, i përvëluar; që është lënduar e brengosur rëndë nga humbja e njerëzve më të dashur a nga ndonjë fatkeqësi e madhe, shumë i pikëlluar, buzëpjekur. I zhuritur për një fëmijë. I zhuritur nga dashuria (nga malli) për vendlindjen. Me zemër (me shpirt) të zhuritur. Nënë e zhuritur.
5. si em. m. e f. Sipas kuptimit3 të mbiemrit. I zhurituri i shekullit që u dogj nga dashuria.
✱Sin.: i shkrumbuar, i përcëlluar, i djegur, i përvëluar, buzëpjekur, buzëplasur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë