Fjalori

Rezultate në përkufizime për “tkurrem”

Mëso si ta përdorësh
<<< Kthehu te kërkimi kryesor në fjalor

ATROFIZOHEM

►ATROFIZ/ÓHEM jovep., ~ÓVA (u), ~ÚAR vetv. 1. biol., mjek., vet. v. III Dobësohet, rrëgjohet, thahet dhe mpihet për shkak të mungesës së ushqimit, mosqarkullimit të gjakut, mosfunksionimit për një kohë të gjatë të një organi a të një indi të organizmit ose plakjes. Atrofizohen muskujt. Atrofizohet dora. Iu atrofizua truri.
2. fig., libr. Humb vetitë a cilësitë e mira, më dobësohen a më pakësohen aftësitë krijuese. I atrofizohet frymëzimi. Iu atrofizuan aftësitë.
✱Sin.: dobësohem, ligështohem, rrëgjohem, zvogëlohem, pakësohem, humbas, tkurrem, mpihem, venitem, vyshkem.

BURBUNJOSEM

BURBUNJÓS/EM jovep., ~A (u), ~UR krahin., vetv. 1. vet. v. III Burbuqet. Burbunjoset plepi.
2. fig. Çelem e zbukurohem. U burbunjosën vajzat.
3. fig. Mblidhem e rrëgjohem nga të ftohtët, nga mundimi, nga ndonjë sëmundje etj. U burbunjos e u bë grusht. - Ç’ishte burbunjosur ashtu, i shkreti plak!
✱Sin.: mblidhem, rrëgjohem, rrëgjakem, vogëlohem, kruspullohem, mpakem, tkurrem.

CËRRUKEM

►CËRRÚK/EM jovep., ~A (u), ~UR 1. vetv. Tkurrem ose mblidhem kruspull nga të ftohtët, frika etj., kruspullohem.
2. pës e CËRRUK.
✱Sin.: rrëgjohem, strukem, trysem.

NGURROHEM

►NGURR/ÓHEM jovep., ~ÓVA (u), ~ÚAR 1. vetv. Mblidhem, rrudhem, tkurrem, ngrrucem. Ishte ngurruar shumë nga plakja.
2. pës. e NGURRÓJ.

PAKEM

►PÁK/EM jovep., ~A (u), ~UR vetv. 1. Zvogëlohem e rrëgjohem nga pleqëria a nga një sëmundje.
2. Mpakem. U pak nga gazi. Iu pak zemra.
✱Sin.: mpakem, vogëlohem, zvogëlohem, rrëgjohem, tkurrem, thahem, dobësohem, fishkem.

RRUDHEM

►RRÚDH/EM jovep., ~A (u), ~UR 1. Më bëhet lëkura me rrudha; bëhem me shumë rrudha. Iu rrudh fytyra shumë shpejt. I rrudhen sytë i mblidhen kapakët e syve, picërron sytë.
2. vet. v. III I bëhet sipërfaqja me vija a me pala të çrregullta, të ulura e të ngritura; bëhet me rrudha, zhubroset (për rrobat); i fishket lëkura e i mblidhet në rrudha (për frutat). I ishin rrudhur rrobat në valixhe. Molla rrudhet në dimër.
3. Më mblidhet cipa e gojës dhe e gjuhës kur ha a pi diçka të athët ose të hidhur. Më rrudhet gjuha.
4. fig., vet. v. III I zvogëlohen përmasat a i kufizohet fusha e veprimit, ngushtohet; rrëgjohet. Rrudhet sfera (fusha) e veprimit.
5. Mblidhem, bëhem kruspull; mblidhem e strukem në një vend të ngushtë a të fshehtë. Rrudhem nga të ftohtët. U rrudh nga frika. Rrudhet e struket. U rrudhën në vrimat e veta.
6. fig. Lë fjalën përgjysmë ose mezi i nxjerr fjalët nga druajtja a nga një shkak tjetër.
✱Sin.: rrudhosem, tkurrem, fishkem, kruspullohem, ndrydhem.
♦ I janë rrudhur *trutë (dikujt). M’u rrudh *zemra.

RRËGJOHEM

►RRËGJ/ÓHEM jovep., ~ÓVA (u), ~ÚAR 1. vetv. Mblidhem e zvogëlohem ose nuk rritem sa duhet e mbetem i pakët nga një sëmundje, nga mungesa e veprimtarisë, e ushqimit etj., tkurrem e thahem pak nga pak; dobësohem, fishkem (për qeniet e gjalla dhe për pjesët e tyre). Iu rrëgjua trupi. U rrëgjuan bimët. U rrëgjua e u mblodh sa një grusht.
2. vet. v. ІІI. I zvogëlohen përmasat, bëhet më i vogël a më i shkurtër, zvogëlohet, shkurtohet; tkurret, mblidhet. Rrëgjohet dita. U rrëgjua hëna. Rrëgjohen dërrasat.
3. edhe fig. libr., vet. v. ІІI Kthehet në një gjendje më të ulët a më të thjeshtë; ngushtohet, kufizohet, mbetet vetëm në një anë. Rrëgjohet çështja. Rrëgjohet ndjenja.
4. Matufosem, rrjedh nga trutë. U rrëgjua në pleqëri.
✱Sin.: tkurrem, mpakem, dobësohem, fishkem, shkurtohet.

SABITEM

►SABÍT/EM jovep., ~A (u), ~UR 1. vetv. Thahem. Janë sabitur drutë.
2. pës. e SABÍT. Jam sabitur nga rruga e gjatë.
✱Sin.: përfikem, paritem, tkurrem.

TENDOSEM

►TENDÓS/EM jovep., ~A (u), ~UR 1. vetv., kryes. v. III Hapet, nuk rri e mbledhur; ndehet mirë, rri e shtrirë a e tërhequr mirë, nuk rri e lëshuar a e lirshme; kund. shtendosem, lirohem. Tendoset mirë. Tendosen muskujt.
2. fig., vetv. Vë të gjitha forcat, mbledh të gjitha fuqitë për të bërë diçka; shtriqem; kund. shtendosem, tkurrem. Me t’u zgjuar, u tendos i tëri. Tendosen telat (litarët).
3. pës., vet. v. III e TENDÓS.
✱Sin.: hapet, ndehem, shtrihem, shtriqem.

ZVOGËLOHEM

►ZVOGËL/ÓHEM jovep. ~ÚA (u), ~ÚAR 1. vetv. Bëhet më i vogël; pakësohet, ulet, ngushtohet etj.; bëhet më i shkurtër, shkurtohet; kund. zmadhohet, rritet, shtohet, zgjerohet. Rrobat i janë zvogëluar shumë. Është zvogëluar dita (nata). Iu zvogëlua shpejtësia. Balli i tij ishte zvogëluar e ishte rrudhur. - Kanë hyrë teshat, janë zvogluar nga e lara e nuk më bëjnë më. Zhurma nis e zvogëlohet derisa shuhet fare.
2. fig., vetv., vet. v. III Pakësohet a ulet forca, vlera etj. e dikujt a e diçkaje, paraqitet a quhet më pak e rëndësishme nga ç’është në të vërtetë. Përgjegjësia e tij zvogëlohet mjaft. Kjo mundësi po zvogëlohet. Rëndësia e kësaj vepre është duke u zvogëluar. Ndikimi i tyre është zvogëluar mjaft. Pasqyrimi i dritës zvogëlohet me shpejtësi. Me plakjen fillon të zvogëlohet edhe aftësia për punë.
3. pës., vet. v. III e ZVOGËLÓJ.
✱Sin.: vogëlohem, vocërrohem, picërrohem, vocërrohem, pakësohet, kruspullohem, mpakem, ngushtohet, shkurtohet, mekem, rrëgjohem, mblidhem, tkurrem, tulatet, pulitet, futet, ulet.
♦ M’u zvogëluan *sytë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë