Fjalori

Rezultate në përkufizime për “thyerëse”

Mëso si ta përdorësh
<<< Kthehu te kërkimi kryesor në fjalor

DIOPTRI

DIOPTRÍ,~A f. 1. fiz. Njësi e matjes së fuqisë thyerëse të thjerrëzave. Kërkon korrigjim të lenteve -6.0 dioptri ose më shumë.
2. mjek. Njësi e matjes së forcës a të aftësisë së të parit; numri i thjerrëzës që ndreq çrregullimet e të parit. Syze me dioptri.

THYERËS

THÝERËS,~E mb. 1. Që ka aftësinë të copëtojë diçka, që shërben për të ndarë, për të copëtuar a për të thyer diçka. Vegël thyerëse. Forcë thyerëse.
2. fiz. Që i ndryshon drejtimin dritës, që thyen dritën, rrezet etj., përthyes. Sipërfaqe thyerëse. Faqet thyerëse të prizmit.
✱Sin.: copëtues, përthyes, prishës, ndarës.

THYERËS

THÝERËS,~I m. sh. ~, ~IT 1. Ai që cenon a që shkel diçka, ai që shkel ligjet, parimet, rregullat, vendimet etj.; ai që nuk i përmbahet diçkaje të vendosur që më parë. Thyerësi i ligjit (i disiplinës). Thyerësit e grevave.
2. spec. Thyerëse. Thyerësi i mineraleve.

THYERËSE

THÝERËS/E,~JA f. sh. ~E, ~ET 1. Vegël e posaçme që përdoret për të ndarë në copa më të vogla një lëndë, përdorëse për të thyer pemët me lëvozhgë të fortë ose diçka tjetër të ngurtë. Thyerëse arrash (bajamesh). Thyerësja e karbitit (e qymyrit).
2. Ajo që cenon a që shkel diçka, ajo që shkel ligjet, parimet, rregullat, vendimet etj.; ajo që nuk i përmbahet diçkaje të vendosur që më parë.

THYES

THÝES,~I m. sh. ~, ~IT 1. Ai që shkel kufijtë e një shteti tjetër, shkelësi i kufirit. Thyesit e kufirit. Gjurmët e thyesit. Kapën (zunë, vranë) një thyes. Zbuluan thyesin.
2. spec. Thyerëse.
✱Sin.: shkelës, përthyes, thyerës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë