Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►AUTOMATIZ/ÓHET jovep., ~ÚA (u), ~ÚAR libr., vet. v. III 1. vetv. Bëhet automatik (një shprehi, një veprim a sjellje), përvetësohet aq mirë sa kryhet si pa vetëdije e në mënyrë mekanike. Automatizohet një shprehi (një veprim). Ato mund të automatizohen. Automatizohet linja e prodhimit.
2. pës. e AUTOMATIZÓJ. Automatizohen minierat.
✱Sin.: mekanizohet, kompjuterizohet, programohet, robotizohet, thjeshtohet, përshtatet.
►LEHTËS/ÓHEM jovep., ~ÓVA (u), ~ÚAR 1. vetv. Heq një pjesë të peshës që mbaj përsipër, e bëj më të lehtë ngarkesën; kund. rëndohem. U lehtësua ca nga plaçkat (nga barra, nga armatimet).
2. vetv. Bëhem më i lehtë në peshë, rëndoj më pak nga ç’kam qenë më parë; kund. rëndohem. Është lehtësuar në trup.
3. vet. v. III (zakon. me një trajtë të shkurtër të përemrit vetor në r. dhanore). Më zvogëlohet një barrë e rëndë, një detyrë a një përgjegjësi që kam, më pakësohen vështirësitë, më bëhet më e lehtë puna e jetesa; kund. rëndohet. Iu lehtësua puna (detyra, jetesa). U lehtësua kooperativa. Iu lehtësua përgjegjësia (faji).
4. vet. v. III Bëhet më i lehtë; vjen në një gjendje më të lehtë a më pak të vështirë, përmirësohet; kund. rëndohet, keqësohet. Iu lehtësua sëmundja. Iu lehtësuan dhimbjet. Është lehtësuar gjendja. Iu lehtësua jetesa.
5. vet. v. III (me një trajtë të shkurtër të përemrit vetor në r. dhanore). Bëhem më mirë (kur vuaj nga ndonjë sëmundje), më pakësohen dhimbjet a vuajtjet e shkaktuara nga një sëmundje. M’u lehtësuan veshët. M’u lehtësua koka. Iu lehtësuan dhimbjet (vuajtjet).
6. fig. Çlirohem në një farë mase nga një barrë a nga një ndjenjë e rëndë, nga një brengë, nga një ankth etj., qetësohem disi pas një fatkeqësie, më pakësohen vuajtjet shpirtërore. U lehtësua në zemër (në shpirt). U lehtësua kur mori vesh se i biri ishte gjallë. Kohët e fundit është lehtësuar mjaft.
7. fig. Bëhem i lehtë nga mendja, bëhem matuf, matufosem, rrëgjohem. U lehtësua shumë në pleqëri.
8. pës. e LEHTËSOJ.
✱Sin.: lenohem, çlirohem, shpëtoj, lirohem, humbas, zvogëlohet, thjeshtëzohet, thjeshtohet, përmirësohet, qetësohem, shkujdesem, matufosem, rrëgjohem.
♦ M’u lehtësuan *krahët. Është lehtësuar nga *mendja (dikush). M’u lehtësua *shpirti (zemra).
►NDËRLIK/ÓHEM jovep., ~ÓVA (u), ~ÚAR 1. vetv., vet. v. III Ndërthuret në mënyrë të ngatërruar me një tjetër; ngatërrohet midis diçkaje tjetër; koklavitet. Ndërlikohen fijet. Ndërlikohen në një vend.
2. fig., vetv., vet. v. III Bëhet më i ngatërruar e më i vështirë për t’u kuptuar a për t’u zgjidhur, koklavitet; kund. thjeshtohet. U ndërlikua gjendja. U ndërlikuan punët më keq. Gjërat janë ndërlikuar më shumë. Problemi sa vjen e ndërlikohet. Ngjarjet sa vjen e ndërlikohen.
3. fig., vetv. Ngatërrohem në një punë a në diçka që nuk e dëshiroj, përzihem pa dashur; marr pjesë në diçka që nuk më përket, pleksem. U ndërlikua kot në atë çështje. Ishte ndërlikuar në veprimtari të dyshimta.
4. mjek., vetv. Shoqërohet një sëmundje nga një sëmundje a nga një dukuri tjetër dytësore, që e bën më të rëndë. Gjendja e pacientit u ndërlikua.
5. pës. e NDËRLIKÓJ. Sëmundja u ndërlikua nga një virozë.
✱Sin.: ndërliket, ndërthuret, koklavitet, turbullohet, ngatërrohem, përzihem, pleksem.
PATHJESHTÚESH/ËM (i) ~ME (e) mb., mat. Që nuk mund të thjeshtohet; kund. i thjeshtueshëm. Thyesë e pathjeshtueshme.
THJESHTÍM,~I m. sh. ~E, ~ET 1. Veprimi kur e bëjmë diçka më të lehtë për t’u kuptuar, për t’u zbatuar, për t’u zgjidhur etj., ose veprimi kur thjeshtohet diçka. Thjeshtimi i programeve (i teksteve). Thjeshtimi i organikave. Thjeshtimi i shprehjeve (i thyesave). mat. U bënë një sërë thjeshtimesh.
2. Thjeshtëzim.
THJESHT/ÓJ vep., ~ÓVA, ~ÚAR kal. 1. E bëj diçka më të lehtë për t'u kuptuar, për t'u zbatuar, për t'u zgjidhur, për t'u përdorur etj., e bëj më të thjeshtë, kund. ndërlikoj. E thjeshtoi programin.
2. Heq diçka që është e tepërt në një gjë, e shkarkoj nga gjërat e panevojshme, zvogëloj sasinë e pjesëve a të njësive përbërëse të diçkaje, e bëj më të thjeshtë atë. I thjeshtuan hallkat e aparatit shtetëror. E thjeshtoj projektin e ndërtesës. I thjeshtuan kërkesat. Thjeshtoj shprehjen (formulën). mat. gjej një shprehje (një formulë) tjetër, duke pakësuar numrin e kufizave a të faktorëve, por duke ruajtur po atë vlerë. Thjeshtoj thyesën. mat. gjej një thyesë tjetër me po atë vlerë, por me numërues dhe emërues më të vogël.
3. Thjeshtëzoj.
✱Sin.: holloj, lehtësoj, zvogëloj, pakësoj, thjeshtëzoj, thjeshtohet, lehtësohet, zvogëlohet, pakësohet, thjeshtëzohet.
THJESHTÚESH/ËM (i), ~ME (e) mb., libr. Që mund të thjeshtohet. Thyesë e thjeshtueshme.
✱Sin.: i holluar, i zvogëluar, i pakësuar, i thjeshtëzuar.
►THJESHTËS/ÓHET jovep., ~ÚA (u), ~ÚAR 1. vetv., vet. v. III Thjeshtohet.
2. vetv., vet. v. III Thjeshtëzohet.
3. pës. e THJESHTËSÓJ.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë