Fjalori

Rezultate në përkufizime për “thertore”

Mëso si ta përdorësh
<<< Kthehu te kërkimi kryesor në fjalor

GAZHINË

GAZHÍN/Ë,~A f. sh. ~A, ~AT Thertore.

KASAPHANË

KASAPHÁN/Ë,~A f. sh. ~A, ~AT 1. vjet. Thertore. Sapo doli nga kasaphana.
2. fig. Gjakderdhje e madhe; masakër kërdi. Kasaphanë e tmerrshme. U bë (na panë sytë) një kasaphanë.

KORTARI

KORTARÍ,~A f. sh. ~, ~TË Thertore; dyqan mishi.

SALLHANE

SALLHÁN/E,~IA f. sh. ~E, ~ET vjet. Vend i posaçëm, ku therin bagëtinë për mish. Punon në sallhane. Kjo ndërtesë ka qenë sallhane. Në atë zonë ishin vendosur sallhanet e qytetit.
✱Sin.: thertore, gazhinë, kasaphanë.

SHPEND

SHPEND,~I m. sh. ~Ë, ~ËT zool. 1. Kafshë kurrizore me trup të mbuluar me pendë e me pupla, me dy krahë, me dy këmbë e me sqep, që bën vezë dhe që në përgjithësi mund të fluturojë; klasa e këtyre kafshëve. Shpendët shtëpiakë. Shpendët e egër. Shpendë shtegtarë (të përhershëm, endacakë). Shpendë ujës (uji). Shpend i balsamosur. Shpend deti. Shpend gjahu. Mish shpendësh. Plehu i shpendëve. Shtimi i shpendëve. Rritësit e shpendëve. Thertore shpendësh. Sëmundjet e shpendëve.
2. krahin. Kafshë a zogj që jetojnë në natyrë në gjendje të egër. Shpendë gëzofi kafshë si dhelpra, kunadhja e lepuri. Shpendë puplash zogj si pata, rosa, thëllëza, shaptorja etj.
3. euf. Ujk; kafshë grabitqare. Ia hëngri shpendi dhinë. Ruanin natën mos vinte shpendi.
♦Shpend pa krahë njeri pa ndihmë e pa përkrahje, dikush që është në gjendje tepër të vështirë.

SKARTUAR

SKARTÚAR (i, e) mb. Që është skartuar, është hequr. Bagëtitë e skartuara i çuan në thertore.

SKËRPURDHJE

SKËRPÚRDHJ/E f. sh. ~E, ~ET Veprimi kur skërpurdh. Në thertore do të bëhet skërpurdhja e kafshëve.

THERJE

THÉRJ/E,~A f. sh. ~E, ~ET 1. Veprimi i prerjes së kokës të një bagëtie (një kafshe a një shpendi), zakonisht për t’i ngrënë mishin. Therja e lopës, pulës, deles etj. Therja e lopës është bërë në thertore. Therje e kurbanit fet. therja e bagëtisë (e lopës, e deles etj.) që bëhet nga besimtarët myslimanë në festën e Kurban Bajramit. Therje e sforcuar prerje e enëve të mëdha të gjakut, e trakesë dhe e indeve të tjera të buta të qafës si edhe heqja e organeve të brendshme tek kafshët me prognozë të keqe, me qëllim konsumin publik të mundshëm të mishit të tyre.
2. Veprimi i shpimit i një pjese të trupit me thikë, me gjilpërë, me thumb etj. Përplasja fizike çoi në therjen e të riut.
3. fig. Sëmbim që të ther a të shpon si thikë, thermë; dhembje, e prerë. Kam një therje në shpatull (në krah, në bark, në ijë). Ndjeu edhe një therje tjetër të zjarrtë në gjoks.
✱Sin.: prerje, e prerë, mbytje.

THERTORE

THERTÓR/E,~JA f. sh. ~E, ~ET Vend i posaçëm ku therin bagëtinë për mish. Thertore e re. Thertorja e qytetit. Çoi bagëtinë në thertore. E theri në thertore.
✱Sin.: kasaphane, sallhane.

VAGË

VÁG/Ë,~AII f. sh. ~A, ~AT fig. Vend që është vetëm për të therur bagëtitë për mish; thertore. E çoi lopën në vagë se ishte shterpë. E ka për vagë e ka për ta therur.
✱Sin.: gazhinë, sallhane.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë