Fjalori

Rezultate në përkufizime për “thermë”

Mëso si ta përdorësh
<<< Kthehu te kërkimi kryesor në fjalor

THERJE

THÉRJ/E,~A f. sh. ~E, ~ET 1. Veprimi i prerjes së kokës të një bagëtie (një kafshe a një shpendi), zakonisht për t’i ngrënë mishin. Therja e lopës, pulës, deles etj. Therja e lopës është bërë në thertore. Therje e kurbanit fet. therja e bagëtisë (e lopës, e deles etj.) që bëhet nga besimtarët myslimanë në festën e Kurban Bajramit. Therje e sforcuar prerje e enëve të mëdha të gjakut, e trakesë dhe e indeve të tjera të buta të qafës si edhe heqja e organeve të brendshme tek kafshët me prognozë të keqe, me qëllim konsumin publik të mundshëm të mishit të tyre.
2. Veprimi i shpimit i një pjese të trupit me thikë, me gjilpërë, me thumb etj. Përplasja fizike çoi në therjen e të riut.
3. fig. Sëmbim që të ther a të shpon si thikë, thermë; dhembje, e prerë. Kam një therje në shpatull (në krah, në bark, në ijë). Ndjeu edhe një therje tjetër të zjarrtë në gjoks.
✱Sin.: prerje, e prerë, mbytje.

THERMË

THÉRM/Ë,~A f. sh. ~A, ~AT Dhembje që të sëmbon a të shpon si thikë në një pjesë të trupit. Kam një thermë në kryqe (në shpatull, në mes).

THERUR

THÉRUR,~A (e) f. sh. ~A, ~AT (të) 1. Bagëti të therura. Të therurat e kurbaneve vazhduan edhe ditën e dytë.
2. Sëmbim, thermë. Të therurat në kokë sa nuk më mbytën. E zunë të therurat.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë