Fjalori

Rezultate në përkufizime për “theksor”

Mëso si ta përdorësh
<<< Kthehu te kërkimi kryesor në fjalor

AKCENTOLOGJI

AKCENTOLOGJÍ,~A f., gjuh. Disiplinë shkencore, që studion sistemin theksor të një gjuhe; degë e prozodisë, që studion intonacionin dhe theksin (theksimin) në gjuhët ku sistemi theksor ka sistem të përbërë. Akcentologjia e gjuhës standarde. Akcentologjia historike. Merrem me akcentologji.

THEKSOR

THEKSÓR,~E mb., gjuh. 1. Që ka të bëjë me theksin. Tipi (modeli) theksor.
2. I theksuar.

THEKSUAR

THEKSÚAR (i, e) mb. 1. gjuh. Që shqiptohet me zë më të fortë ose me ton më të ngritur në të folur, që theksohet (për rrokjet a zanoret në fjalë). Zanore (rrokje) e theksuar. Fjalë e theksuar fjalë që ka një rrokje me theks.
2. gjuh. Që shqiptohet me zë më të fortë ose me ton më të ngritur në të folur, që dallohet për të vënë në dukje rëndësinë kuptimore të saj, peshën emocionale që ka etj. (për një fjalë a për një pjesë të fjalisë). Fjala e theksuar në fjali.
3. fig. I fortë, i madh; që shquhet, që bie në sy, i dukshëm. Ngjyrë e theksuar. Pjerrësi e theksuar.
4. fig. Që bie në sy, që zotëron diçka në shkallë të lartë, që dallohet nga diçka e veçantë; shumë i fortë, shumë i madh. Dobësi e theksuar. Mungesë e theksuar. Dallime (ndryshime) të theksuara. Me karakter të theksuar ideologjik (politik, klasor).
✱Sin.: theksor, i fortë, i fuqishëm, i përforcuar, i madh.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë