Fjalori

Rezultate në përkufizime për “tharbëtoj”

Mëso si ta përdorësh
<<< Kthehu te kërkimi kryesor në fjalor

BRUTALIZOJ

BRUTALIZ/ÓJ vep., ~ÓVA, ~ÚAR fig., libr., kal. I prish e i bëj më të ashpra marrëdhëniet etj.; acaroj, përkeqësoj. E brutalizoi edhe më shumë gjendjen.
✱Sin.: ashpërsoj, acaroj, përkeqësoj, egërsoj, zemëroj, rrefkëtoj, ndej, tendos, tharbëtoj.

TARTAROS

TARTARÓSI vep., ~A, ~UR bised., kal. 1. Thartoj, tharmëtoj. E tartarosi gjellën (qumështin, kosin, brumin).
2. Prish, dëmtoj, shkatërroj një pajisje. E tartarosi televizorin (kompjuterin).
✱Sin.: thartoj, tharbëtoj, tharmëtoj, prish, dëmtoj, shkatërroj.

THARB

THÁRB vep., ~A, ~UR kal. Tharbëtoj diçka me tharm a me një lëndë tjetër; tharmëtoj.

THARBËTIM

THARBËTÍM,~I m. sh. ~E, ~ET Veprimi kur tharbëtoj verën, qumështit ose ndonjë lëndë tjetër ose kur tharbëtohem.
✱Sin.: tharmëtim, thartim.

THARMËTOJ

THARMËT/ÓJ vep., ~ÓVA, ~ÚAR kal., spec. 1. I zbërthej diçkaje lëndët organike me anë të organizmave e të kërpudhave shumë të vogla, e bëj të ziejë ndër vete; e thartoj, e prish. Tharmëton verën.
2. jokal., vet. v. III Tharmëtohet. Tharmëtoi vera.
✱Sin.: thar, thartoj, tharb, tharbëtoj, prish, pres.

THARTOJ

THART/ÓJ vep., ~ÓVA, ~ÚAR kal. 1. E bëj të thartë diçka, i jap shije të thartë; i hedh limon, uthull etj., më shumë se ç'duhet. E thartoi gjellën (supën). E thartova shumë.
2. Tharmëtoj, tharbëtoj. Thartoj qumështin.
3. kim. E kthej në acid; i shtoj sasinë e acidit, acidoj.
4. fig. Prish fytyrën dhe mbledh buzët për të shprehur pakënaqësinë a zemërimin për diçka, për të treguar se diçka nuk më pëlqen. Thartoi fytyrën (buzët, turinjtë).
5. fig. Ashpërsoj, acaroj, keqësoj, prish marrëdhëniet me dikë. E thartoi punën me të. I thartuan fjalët. I thartuan marrëdhëniet.
✱Sin.: athëtoj, tharmëtoj, tharbëtoj, ashpërsoj, acaroj, keqësoj.
♦ Tharton (mbledh, rrudh, përdredh, shtrembëron) *buzët (dikush). I thartoj *fjalët (me dikë). Tharton (shtrembëron, rrudh, mbledh, përdredh) *hundën (dikush).Thartoj *trutë. Më thartoi (më uthulloi) *trutë (dikush a diçka). Tharton (mbledh, rrudh, përdredh, shtrembëron) *turinjtë (dikush).

ZEMËROJ

ZEMËR/ÓJ vep., ~ÓVA, ~ÚAR kal. 1. E bëj që t’i hipë inati, e nxeh, e inatos, i ngre nervat. E zemëroj shumë (keq, edhe më tepër). E zemëroi vëllanë (motrën). E zemëroi popullin. Gjërat e paqarta e zemërojnë atë. Nuk do ta lejosh të të zemërojë kështu. Mos më përcëllo, moj çupë, / Mos më zemëro, / Se kjo zemra ime, xhane, / Vetëm ty të do. (folk.).
2. E bëj dikë të armiqësohet me një tjetër, bëj që të prishë marrëdhëniet e mira që ka pasur me të, e inatos me dikë. E zemëroi me farefisin. Ky veprim i pamenduar mirë mund të zemërojë me qytetarët e huaj (ndërkombëtarët).
✱Sin.: inatos, nevrikos, nervozoj, egërsoj, rrefkëtoj, tërmek, acaroj, ashpërsoj, hidhëroj, tharbëtoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë