Fjalori

Rezultate në përkufizime për “terik”

Mëso si ta përdorësh
<<< Kthehu te kërkimi kryesor në fjalor

PUHI

PUHÍ,~A f. sh. ~, ~TË Erë e lehtë freskuese, që fryn zakonisht në pranverë e në verë; fllad. Puhi e lehtë. Puhi pranverore. Puhia e detit.
✱Sin.: puhizë, fllad, fresk, freski, veri, terik, zefir, ojnik.

STERE

STERÉ,~JA f. Toka e thatë dhe e qëndrueshme e bregut (në kundërvënie me sipërfaqen e lëkundshme të ujit të detit), terë; kund. lagë. Dolën (zbritën) në stere. Banon në stere. Ndërmjet detit dhe steresë. Rrip toke që lidh detin me sterenë.
✱Sin.: tokë, terik, dhe.

TERIK

TERÍ/K,~KU m. sh. ~QE, ~QET 1. Terë, stere. Dolën gjallë në terik.
2. Vend i thatë, tokë pa lagështi, terinë. Ai vend është terik.
3. vet. nj. Erë e lehtë; fllad. Fryn teriku.
✱Sin.: tokë, terë, stere, terinë, fllad, puhi, fresk.

TERINË

TERÍN/Ë,~AII f. sh. ~A, ~AT 1. Vend i thatë, tokë që s'mban lagështi, terik. E ç’e do atë terinë?
2. Tendë e përgatitur me kashtë ose me gjethe; strehë prej kashte, e rrethuar me gardh thuprash, që shërben për të mbajtur dhentë; gardhore bagëtish me strehë prej kashte. Terinat e stanit. Terina e çobanit. Terina e dhenve. Terinë me kashtë. Ndeu rrobat në terinë.
3. Shtrat, lesë, për tharje ushqimesh.
✱Sin.: tokë, terë, stere, terinë, tendë, gardhore, shtrat, lesë, trazë.

TERISHTË

TERÍSHT/Ë,~A f. sh. ~A, ~AT 1. Tokë pa ujë; tokë e thatë, terinë, terik. U dogjën terishtat sivjet, ngaqë nuk ra shi.
2. Vend i terur. Lëre xhaketën në terishtë.
3. si mb. Që është pa ujë, e thatë (tokë). Tokë terishtë.

TERË

TÉR/Ë,~A f. 1. Tokë e thatë dhe e palëvizshme e bregut (në kundërvënie me ujin); toka (fushat, pyjet, malet) në përqasje me ujin e detit; stere, terik; kund. lagë. Një e treta është terë, dy të tretat det. Luftoi në det dhe në terë. Në det, në terë e në ajër kudo.
2. Anë e thatë e një cope tjegulle a e një rrase prej guri në lojën lagaterë; kund. lagë. Tera e petës së gurit.
✱Sin.: tokë, stere, terik, kontinent.

THATINË

THATÍN/Ë,~A f. sh. ~A, ~AT Tokë e thatë, tokë pa lagështi a pa ujë dhe jopjellore; tokë mbi ujë. Po punohen edhe thatinat.
✱Sin.: mbiuje, terik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë