Fjalori

Rezultate në përkufizime për “terapeutik”

Mëso si ta përdorësh
<<< Kthehu te kërkimi kryesor në fjalor

HELIOTERAPI

HELIOTERAPÍ,~A f. sh ~, ~TË mjek. Trajtim terapeutik që përdor rrezatimin diellor (dritën natyrore të diellit) për qëllime mjekësore.

HIPNOTERAPI

HIPNOTERAPÍ,~A f. sh. ~, ~TË psik., mjek. Ndërhyrje që përdor hipnozën si metodë terapeutike për trajtimin e gjendjeve psikologjike, emocionale ose sjellore, duke synuar ndryshimin e modeleve të mendimit, ndjenjave apo sjelljes në një gjendje të thelluar përqendrimi dhe relaksimi. Përdorimi i hipnozës si mjet terapeutik.

MJEKOPSIKOLOGJIK

MJEKOPSIKOLOGJÍK,~E mb. Që lidhet me një ekzaminim apo trajtim terapeutik që merr parasysh aspektin organik dhe atë psikologjik të pacientit. Bëj ekzaminim mjekopsikologjik.

SINERGJIZËM

SINERGJÍZ/ËM,~MI m. Fuqizim i efektit terapeutik, i zhvilluar nga bashkëveprimi i dy ose me shumë preparateve. Studion sinergjizmin.

SIZMOTERAPI

SIZMOTERAPÍ,~A f. sh. ~, ~TË mjek. Përdorimi terapeutik i dridhjeve ose stimujve të ngjashëm goditës për të nxitur shërimin, lehtësimin e dhimbjes dhe përmirësimin e funksioneve fizike gjatë sëmundjeve. Aplikimi i sizmoterapisë rezultoi shumë i suksesshëm. Sizmoterapia u zbatua tek të sëmurët që kishin dhimbje të vazhdueshme.

TERAPEUTIK

TERAPEUTÍK,~E mb., mjek. Që ka të bëjë me kurimin e sëmundjeve; që është i aftë a që mund të të kurojë (a shërojë); mjekësor, shërues. Substanca terapeutike. Përdorim terapeutik i kanabisit. Qëllime terapeutike. Kimi terapeutike. Pushime terapeutike. Gabim terapeutik. Efekt terapeutik. Metodë terapeutike.
✱Sin.: mjekësor, shërues, kurues, përtëritës.

TERAPI

TERAPÍ,~A f. sh. ~, ~TË 1. mjek. Trajtim apo ndërhyrje që ka për qëllim shërimin ose lehtësimin e një sëmundjeje; trajtim mjekësor për të shëruar, kuruar a lehtësuar sëmundjen e një të sëmuri; trajtim terapeutik për të ndihmuar dhe përmirësuar shëndetin; pjesë e mjekësisë që merret me trajtimin e sëmundjeve pa kirurgji. Terapi me ultratinguj. Terapi me ozon. Terapi kundër dhembjeve kronike. Terapia fizike. Filloi terapinë. Terapi intensive.
2. psikol. Proces ndërhyrjeje profesionale për të përmirësuar gjendjen mendore, emocionale ose sjellore të një individi; psikoterapi. Terapi konjitive. Terapi familjare. Terapi në grup. Terapi e sjelljes.

TERMAL

TERMÁL,~E mb. 1. kryes. sh. Që buron nga nëntoka, që është i ngrohtë a i nxehtë dhe përmban minerale (për ujin). Ujëra termale. Burime termale.
2. Që ka ujëra të nëndheshme, të nxehta e minerale; që shfrytëzon këto ujëra për banja (llixha), për përdorim terapeutik. Banjë termale. Stacion ujërash termale.

TERMOTERAPI

TERMOTERAPÍ,~A f., mjek. Përdorim terapeutik i nxehtësisë; terapi që përdor nxehtësinë për të lehtësuar dhimbjen, për të përmirësuar qarkullimin e gjakut dhe për të çtendosur muskujt. terapi me anë të nxehtësisë (me ujëra termale, me diell, me ajër të nxehtë etj.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë