Fjalori

Rezultate në përkufizime për “tene”

Mëso si ta përdorësh
<<< Kthehu te kërkimi kryesor në fjalor

FLETË

FLÉT/Ë,~AII f. sh. ~Ë, ~ËT 1. Copë letre katërkëndëshe, që përdoret zakonisht për të shkruar mbi të; secila nga fijet e një libri, reviste etj. Fletë fletoreje (vizatimi, libri). Kthej (palos, thyej, gris) fletën.
2. Një copë letre e shkruar që shërben si vërtetim, si dëshmi ose për qëllime të tjera. Fleta e provimit. Fletët e votimit. Fletë nderi (lavdërimi).
3. Copë e hollë, e gjerë dhe e sheshtë druri, metali, plastike etj.; diçka që ka formën e një pllake të hollë ose të një cope letre. Fletë argjendi. Fletë çeliku (kallaji, llamarine). Fletë kompensate.
4. Palë a pjesë përbërëse e diçkaje, zakonisht më e gjatë se e gjerë. Fletët e qilimit. Fletët e çadrës.
5. Secili nga dy kapakët prej druri që mbyllin derën, dritaren etj., flegër dere a dritareje, kanat. Hap fletët e dritares. Derë me dy fletë.
✱Sin.: fije, letër, vilazë, tene, pol, flegër, kanat, faqe.
♦E kthen (e ndërron) fletën (dikush) keq. shih e kthen (e ndërron) pllakën2 (dikush) keq. Më ngriu fleta e zemrës u tremba a u frikësova shumë nga diçka e keqe; u shqetësova shumë, u trondita thellë; më ngriu (m’u pre) gjaku; m’u bë gjaku ujë; më ra (më shkoi) gjaku në fund të këmbëve. Dorëzoj fletë të bardhë në provim faqe e pashkruar; nuk shkruaj asgjë mbi fletën e provimit.

TENE

TÉN/E,~IAI f. sh. ~E, ~ET Fletë e vegjuar qilimi, plafi, velenxe a mutafi. Mutaf me katër tene. Qilim me pesë tene.

TENE

TÉN/E,~IAII f. sh. ~E, ~ET 1. Brumë buke që piqet.
2. Bukë e ndarë copash në tepsi; copë (fetë, rriskë) buke. I hëngri dy tene bukë.

TENE

TENÉ,~JA f. 1. Qeshqek gruri; bollgur gruri (misri). Hëngrën tene.
2. Miell i bluar ashpër, fërratë E kishte bërë misrin (grurin) tene.
3. Misër a grurë i bluar në mokër, që përdoret si ushqim për shpendë. U hidhte pulave tene.
✱Sin.: qeshqek, bollgur, miell, fërratë, gërzhim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë