Fjalori

Rezultate në përkufizime për “tejzgjatur”

Mëso si ta përdorësh
<<< Kthehu te kërkimi kryesor në fjalor

KONFERENCË

KONFERÉNC/Ë,~A f. sh. ~A, ~AT 1. Mbledhje e gjerë ku marrin pjesë përfaqësues a specialistë të një fushe të veprimtarisë shoqërore, shkencore, politike etj., të cilët diskutojnë për çështje të rëndësishme që kërkojnë zgjidhje. Konferencë shkencore (albanologjike, përkujtimore, pedagogjike). Pjesëmarrës (organizatorë) të konferencës. U mbajtën disa kumtesa në konferencë.
2. zyrt. Organi më i lartë i një organizate, i një partie, i një shoqate etj. Konferenca e partisë (e veteranëve të Luftës). Konferenca e Pezës. Delegat i konferencës. Raporti (rendi i ditës) i konferencës. Rezoluta (vendimet) e konferencës.
3. bised. Fjalim; kumtim. Mbajti një konferencë. Konferencë shtypi takim me gazetarë për informim të publikut.
4. mospërf.,iron. Fjalim i tejzgjatur që të mërzit. E bëri konferencë bisedën.
✱Sin.: fjalim, njoftim, informim, kumtim.

POLICOR

POLICÓR,~E mb., keq 1. Që ka të bëjë me policinë a me policët, që i përket policisë, i policisë; që është karakteristik për policinë. Organet policore. Aparati policor. Qendër policore. Autoriteti i mbikëqyrjes policore. Shërbim i tejzgjatur policor.
2. Që mbahet më këmbë me anë të policisë e të xhandarmërisë, që sundon duke shtypur me egërsi masat punonjëse; i egër, barbar. Shtet policor. Regjim policor. Organizatë policore.
3. Që trajton tema nga veprimtaria e policisë, që përshkruan ngjarje e aventura vrasësish e grabitësish, të shoqëruara me ndjekje policësh e detektivësh. Libër (roman, film) policor.

PROLIKS

PROLÍKS,~E mb., let. I tejzgjatur, i prirur për të folur ose për të shkruar gjatë për diçka që mund të shprehet shkurt, fjalëshumë. Shkrim proliks. Poemë prolikse. Ligjëratë prolikse. Formulime gjuhësore prolikse.

TEJZGJATUR

TEJZGJÁTUR (i, e) mb. 1. Që është zgjatur më tej. Hekurudhë (autostradë) e tejzgjatur që lidh dy shtete.
2. Që është zgjatur më tej nga ç’duhet, që është zgjatur tej çdo caku a parashikimi kohor. Bisedime të tejzgjatura. Thatësirë e tejzgjatur. Mbledhje (ndeshje) e tejzgjatur.

ZVARRITUR

ZVARRÍTUR (i, e) mb. 1. I hequr zvarrë, i munduar, i sfilitur. Trupa të zvarritur.
2. edhe fig. Që bëhet a që zhvillohet pa gjallëri, ngadalë e si me zor, i zvargur, i tejzgjatur. Punë e zvarritur. Çështje e zvarritur. Problem (debat, konflikt) i zvarritur. Ligj mjaft i zvarritur në kohë. Këto ëndërrime ia preu një zë i zvarritur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë