Fjalori

Rezultate në përkufizime për “tejpiqet”

Mëso si ta përdorësh
<<< Kthehu te kërkimi kryesor në fjalor

SQULLEM

►SQÚLL/EM jovep., ~A (u), ~UR 1. vetv. Lagem shumë. U squll më shumë se duhet brumi që kishin zënë. Ishin squllur thasët e miellit që kishin lënë jashtë.
2. vet. v. III Bëhet si qull. Ushqimi ishte squllur, askush nuk e futi në gojë. Makaronat u squllën e u ngjitën njëra me tjetrën.
3. Bëhem i plogët; plogështohem. U squll nga sëmundja. Ishte squllur e plogështuar nga mosha.
4. pës. e SQULL. U squllën zarzavatet që kishin harruar pa mbledhur në kopsht.
✱Sin.: zbruhet, qullohet, qulloset, qulltohet, tejpiqet, ajkoset, baltet, kalbet, brumëzohet, zbutet, ndulket, brydhet, dyllëçitet, mbrydhet, lëngësohet, mbretet, ficet, jargoset, jargëzohet, flashkem, këlbazem.

TEJ-

TEJ- fjalëform. Pjesë e parë për disa fjalë të përbëra, me kuptimin mbi, përtej, larg, matanë, tutje, mes për mes, nga njëra anë në tjetrën, në krahun tjetër, kalim mase (p. sh.: tejkalim, tejdetas, tejçoj, tejshpoj, tejduket, tejpiqet etj.).

TEJPIQET

►TEJ/PÍQET jovep., ~PÓQ (u), ~PJÉKUR vetv., vet. v. III 1. Piqet më shumë se ç’duhet, thekariset, gati digjet. Bukën (tavën) po nuk e hoqe në kohë nga soba (furra), tejpiqet.
2. Zbutet shumë, bëhet i squllët, ngaqë është pjekur tepër, squllet, zbutet; rreshket. Frutat tejpiqen, nëse nuk vilen në kohë. Tejpiqen pemët (mollët, dardhët, fiqtë). Tejpiqet rrushi).
3. Dëmtohet, prishet, kalbet. Bostani (pjepri, shalqiri) tejpiqet nga dielli i nxehtë i korrikut.
✱Sin.: thekariset, digjet, squllet, dëmtohet, prishet, kalbet, rreshket.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë