Fjalori

Rezultate në përkufizime për “tejçohet”

Mëso si ta përdorësh
<<< Kthehu te kërkimi kryesor në fjalor

ANDEJTOHET

ANDEJT/ÓHET jovep., ~ÚA (u), ~ÚAR pës., vet. v. III e ANDEJTÓJ. Andejtohet shpesh, sa andej sa këndej. Ngarkesa andejtohet me karrocë. Uji andejtohet me kova deri te shtëpia. Andejtohet malli deri te treni. Sot andejtohet pakoja. Tradita andejtohet brez pas brezi (fig.). U andejtua rryma prej shtylle në shtyllë.
✱Sin.: mbartet, përcillet, bartet, tejçohet, përçohet, dërgohet, transmetohet.

NAGANË

NAGÁN/Ë,~A f., veter. Sëmundje parazitare shumë e rëndë që prek gjedhët, delet, derrat, njëthundrakët etj., e cila shkaktohet nga Trypanosoma Congolense dhe T. brucei, që tejçohet nga mizat ce-ce dhe karakterizohet nga anemia, nga zmadhimi i nyjeve limfatike, nga ethet, nga edemat dhe nga çrregullime të sistemit nervor, që shkaktojnë ngordhjen në 2-12 muaj.

PËRHAPEM

►PËRHÁP/EM jovep., ~A (u), ~UR 1. vetv., zakon. sh. Largohemi në drejtime të ndryshme dhe mbushim një shesh a gjithë vendin.
2. vetv., vet. v. III Shtrihet në drejtime të ndryshme diçka që është e grumbulluar në një vend; zë gjithë vendin, pushton; prishet një grumbull, shpërndahet. U përhapën nëpër pyll (nëpër fushë). U përhap mjegulla. U përhap flaka (zjarri). Përhapën tingujt. Përhapet aroma e luleve. Përhapen rrezet e diellit.
3. vetv., vet. v. III Merr një shtrirje a përpjesëtim të gjerë, zgjerohet; kap edhe vende të tjera. Përhapet mbjellja në sera. Përhapet përdorimi i pajisjeve kompjuterike në mësim.
4. vetv., vet. v. III Kalon një sëmundje nga njëri tek tjetri, prek një shumicë njerëzish, mbartet, shtrihet. Sëmundjet ngjitëse përhapen shpejt.
5. vetv., vet. v. III Bëhet e ditur a e njohur për të gjithë ose për një rreth të gjerë njerëzish; përvetësohet nga një shumicë njerëzish; shtrihet, popullarizohet. U përhap fjala (lajmi) se... Përhapet përvoja e më të mirëve.
6. vetv. Shpërndahem e merrem me gjëra të tjera që nuk lidhen shumë me thelbin e një çështjeje; zgjatem për së tepërmi kur merrem me studimin, me shqyrtimin a me trajtimin e diçkaje; nuk përqendrohem në diçka, hapem. U përhap në hollësira (në gjëra të panevojshme). Punon shumë, po përhapet tepër.
7. pës. e PËRHÁP.
✱Sin.: shpërndahem, përndahem, hapem, shpërhapet, shpërderdhet, shkoqem, përshkoqem, përshkënditem, hallakatem, davaritem, zhdavaritet, tuhatem, damahushet, përbishtem, shqepem, shtrihem, zgjerohem, derdhem, bie, qarkullohem, shpërpallet, dal, shkon, vete, kalon, tërhapem, zgjerohem, përdegem, çakërdisem, pushtohem, shkapërderdhem, shprishem, zhvillohem, rritem, shtrapëzohet, dëgjohem, njihem, përvetësohet, popullarizohem, hapërdahem, zgjatem, hapem, tërhapem. shpërqendrohem, shtohem, tejçohet, tejshtrihet, rrezatohet, depërton, gëlon, jehon.

TEJÇOHET

►TEJÇ/ÓHET jovep., ~ÚA (u), ~ÚAR spec., vet. v. III 1. vetv. Çohet nga njëri te tjetri, përhapet diçka nga një pjesë në pjesën tjetër, nga një gjë në një tjetër; përcillet, shpërndahet. Tejçohet energjia në të gjitha pikat.
2. pës. e TEJÇÓJ.
✱Sin.: përcillet, shpërndahet.

TEJÇUES

TEJÇÚES,~E mb., spec., tek., mek. Që tejçon; që përdoret për të tejçuar diçka, që ndihmon të tejçohet diçka; përcjellës. Aparat tejçues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë