Fjalori

Rezultate në përkufizime për “teftik”

Mëso si ta përdorësh
<<< Kthehu te kërkimi kryesor në fjalor

RREPTIMË

RREPTÍM/Ë,~A f. sh. ~A, ~AT Vrull, furi. Po vjen me rreptimë. U çua me rreptimë.
✱Sin.: hov, turr, tallaz, teftik, forcë, vërtik, vrullimë.

TEFTIK

TEFTÍK,~UI m. nj., vjet., bised. Forcë, vrull. Teftiku i valëve të detit. I rrihte zemra me teftik. U ngrit me teftik. Doli me teftik. E gjuajti topin me teftik.

VRULL

VRULL,~I m. sh. ~E, ~ET 1. Lëvizje e shpejtë, e fuqishme dhe e menjëhershme që bën dikush kur ngrihet nga vendi; ecja e shpejtë a vrapimi i dikujt para se të kërcejë ose para se të kapërcejë diçka, hov; forca rrëmbyese e erës, e ujit a e diçkaje tjetër. Vrull i fuqishëm. Vrulli i erës (i ujit). Një vrull kali sa mund të ngasë një kalë me një vrap; një vrap pele. Mori vrull. Nuk ia preu vrullin. Hidhet (lëshohet) me vrull. Shpërthen me vrull. Bie me vrull. Shtohet vrulli. Rrjedh me vrull uji.
2. fig. Zhvillim i shpejtë dhe i fuqishëm i dikujt a i diçkaje, hov; forcë që të nxit e të frymëzon, dëshirë e madhe për të bërë diçka. Vrull i madh (i pandalshëm). Vrull i të rinjve. Vrull djaloshar (rinor). Vrull krijues. I dha vrull. E nisën me vrull. Punon me vrull.
3. vjet. Vend i caktuar për gara vrapimi, stadium.
✱Sin.: hov, turr, llasë, tallaz, sulm, furi, teftik, forcë, vërtik, vrullimë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë