Fjalori

Rezultate në përkufizime për “tatimor”

Mëso si ta përdorësh
<<< Kthehu te kërkimi kryesor në fjalor

AKONTACION

AKONTACIÓN,~I m., ek., fin. Parapagim, parapagesë; konto; pagesë e pjesshme e një detyrimi të ardhshëm. Akontacion rroge. Shuma e akontacionit. Mora (dhashë) akontacion. Pagoi një akantacion për makinë. Akontacion i paguar. Përparësitë e akontacionit. Pagova qiranë me akontacion. Akontacion për shërbime tregtare. Akontacion për shpenzimet e dasmës. Mora akontacionin tatimor.

APOGRAF

APOGRÁF,~I m. sh. ~E, ~ET libr. 1. Transkriptimi i një dokumenti origjinal; kopjim i një teksti origjinal me shkrim dore; fotokopje e një dokumenti origjinal, zakonisht me shkrim dore. Apografi i “Mesharit”. Apograf i certifikuar i vendimit të gjyqit. Në vend të marrëveshjes origjinale paraqita apografin e saj.
2. Procesi i listimit, i regjistrimit dhe i vlerësimit të pasurisë së personave fizikë ose juridikë për të përcaktuar vlerën e tyre dhe detyrimin tatimor ose për ndonjë kërkesë tjetër administrative. U realizua apografi vjetor i qytetarëve.
✱Sin.: dorëshkrim, transkript.

AUDIT

AUDÍT,~I m. sh. ~E, ~ET fin. 1. Proces sistematik dhe i pavarur i mbikëqyrjes, i analizimit dhe i vlerësimit të regjistrave, të dokumenteve dhe të aktiviteteve të një kompanie, të një ndërmarrjeje, të një institucioni ose të një organizate për të vërtetuar nëse ato përmbushin standardet e përcaktuara me rregullat ligjore, me politikat dhe me procedurat e brendshme të funksionimit të tyre. Audit i ndërmjetëm. Audit tatimor. Ndikimi në audit. Procedurat shtesë të auditit.
2. Vlerësim i saktësisë dhe i transparencës së informacionit financiar dhe operativ si dhe siguri që veprimet dhe llogaritjet janë bërë në përputhje me standardet dhe praktikat e duhura. Auditi financiar mbikëqyrje e regjistrave financiarë. Auditi i brendshëm proces që kryhet nga departamentet e brendshme të kompanisë, institucionit etj. Auditi i jashtëm proces që kryhet nga auditorë të pavarur jashtë kompanisë, institucionit etj. Auditi operacional shqyrton proceset dhe procedurat operative për të vlerësuar efikasitetin.

FISKAL

FISKÁL,~E mb., fin. Tatimor. Sistemi fiskal. Vit fiskal vit financiar.

JOREZIDENT

JOREZIDÉNT,~E mb. Që ka seli në një shtet tjetër, pavarësisht nga shtetësia e tij eventuale vendore; kund. rezident. Personat jorezidentë. Një person jorezident tatimor në Shqipëri, deklaron dhe paguan tatimet përkatëse në Shqipëri vetëm për të ardhurat me burim nga Shqipëria.

MOSLËSHIM

MOSLËSHÍM,~I m. sh. ~E, ~ET Pamundësi, paaftësi ose refuzim për të dhënë një dokument zyrtar; veprimi dhe gjendja kur nuk e lëshoj ose kur nuk lëshohet një dokument, një shkresë zyrtare etj.; kund. lëshim. Moslëshimi i kuponit tatimor dënohet me gjobë. U penalizua për moslëshim të faturës për blerësin.

NDIKUESHËM

NDIKÚESH/ËM (i), ~ME (e) mb. Që ndikohet nga dikush a nga diçka. Borxhi tatimor është i ndikueshëm në ekonominë e vendit. Çmimet janë të ndikueshme nga shumë faktorë. Procesi i integrimit në përgjithësi është tepër i ndikueshëm nga klima politike e vendit.

TATIMOR

TATIMÓR,~E mb., ek. Që ka të bëjë me tatimet; i tatimeve; që vjen nga tatimet. Sistem tatimor. Politikë tatimore. Të ardhura tatimore. Lehtësi tatimore. Polici tatimore.

ZERIM

ZERÍM,~I m., sh. ~E, ~ET Veprimi kur zeroj një borxh, një detyrim a një bilanc financiar; heqje, anulim ose çaktivizim i diçkaje. U bë zerimi i borxhit tatimor. Zerimi i një vendimi (i një kontrate, i një dokumenti etj.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë