Fjalori

Rezultate në përkufizime për “taravol”

Mëso si ta përdorësh
<<< Kthehu te kërkimi kryesor në fjalor

ALLÇAK

ALLÇÁK,~E mb., bised. 1. Që është gjysmak nga mendja, i trashë nga mendja. Djalë allçak. Plakë allçake.
2. Që është i pistë, i ndotur, i papastër, i stërkequr nga papastërtia.
✱Sin.: i marrë, i trashë, i pamend, i marrë, i krisur, mendjetrashë, trutrashë, gjysmak, torollak, budalla, taravol, teveqel, toroman, torolingë, i pistë, i ndotur, i papastër.

ALLÇAK

ALLÇÁK,~U m. sh. ~Ë, ~ËT bised. Ai që është gjysmak nga mendja, i trashë nga mendja. Dukej allçak. Ky allçak. Punë allçaku.
✱Sin.: budalla, torollak, taravol, teveqel, toroman, torolingë.

TARAVOL

TARAVÓL,~E mb., bised. 1. Që ka karakter të fortë, që nuk tërhiqet para vështirësive, që nuk di ç’është frika; trim. Djalë taravol. Vajzë taravole.
2. Budalla, torollak.

TOROVOL

TOROVÓL,~E mb., bised. 1. Që është i guximshëm, që nuk e njeh frikën, taravol. Burrë torovol.
2. Torollak, budalla. Lëre se është torovol, i gjori.
3. Pallosh, trupmadh. Gjithë ai djalë torovol! Grua torovole.
4. si em. m. e f. Sipas kuptimeve të mbiemrit.
✱Sin.: taravol, torollak, budalla, pallosh, trupmadh.

TOROVOL

TOROVÓL,~I m. sh. ~A, ~AT 1. Burrë që është i guximshëm, që nuk e njeh frikën, taravol. Ish një torovol që s´i gjendej shoku.
2. përb. Torollak, budalla. Lëre se është thjesht një torovol, i gjori.
3. Pallosh, trupmadh. Gjithë ai torovol.
✱Sin.: taravol, torollak, lluq, budalla, pallosh, trupmadh.

TRIM

TRIM,~I m. sh. ~A, ~AT 1. Ai që është guximtar e i patrembur në luftë ose përpara çdo rreziku a vështirësie, që nuk ka frikë e nuk thyhet para asgjëje; ai që nuk di ç'është frika, që nuk i trembet syri. Trim i rrallë. Trimat e nënave. Trimat e motit. Trimat partizanë. Trim me fletë trim i madh, njeri shumë i zoti që qan përpara pa iu trembur vështirësive. Trim mbi trima trim i madh. Trimat e dheut trimat e fortë. Trim për vdekje e për tokë. Trim që s'ka frikë as nga vdekja. Trim e bir trimash. Këngë trimash. Udhë timash udhë e vështirë dhe e rrezikshme, por e lavdishme. Luftoi si trimat. Trimat nuk dorëzohen. Trimi i mirë me shokë shumë. (fj. u.). Trimi i mirë në luftë njihet. (fj. u.). Trimi të fal, i marri të vret. (fj. u.). Trimi vdes, frikacaku ngordh. (fj. u.). Trimi i mirë me shokë shumë. (fj. u.)
2. bised. Djalë i rritur; burrë. Trim i ri. Ku është trimi? Trimat kanë shkuar për gjah.
3. vjet. Burrë i armatosur, që i shkonte pas një pronari të madh, një pronari të madh a një njeriu me pushtet, për ta ruajtur; burrë i armatosur që ngarkohej e paguhej nga fshati për ta ruajtur; truprojë. Trimi i fshatit.
✱Sin.: trimosh, trimshor, guximtar, guximmadh, guximplotë, i patrembur, i pafrikë, i pafrikshëm, fatos, zemërluan, sypatrembur, sypetrit, syshkëndijë, sygacë, syshqiponjë, irëmadh, djalë, burrë, dakol, luan, shqiponjë, sokol, petrit, shqipe, dragua, gërxheli, asllan, azgan, kapedan, agë, ezhdërha, levend, taravol, shpirtluan, zemërhekur, cub, luftëtar, pallëlarë, prijës, truprojë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë