Fjalori

Rezultate në përkufizime për “tallazon”

Mëso si ta përdorësh
<<< Kthehu te kërkimi kryesor në fjalor

DALLGËZON

DALLGËZ/ÓN vep., ~ÓI, ~ÚAR 1. jokal., vet. v. III Bën dallgë, ka dallgë. Dallgëzon deti.
2. fig., jokal. Lëviz dallgë-dallgë. Gruri dallgëzon. Turma dallgëzonte.
3. kal. Bën që të ketë dallgë, e bën me valë. Era e dallgëzoi detin.
✱Sin.: valëzon, tallazon, valëvit, tund.

TALLAZIT

TALLAZÍT vep., ~I, ~UR kal., vet. v. III Dallgëzon, tallazon1, 2.

TALLAZOHEM

►TALLAZ/ÓHEM jovep., ~ÓVA (u), ~ÚAR 1. vetv., vet. v. III Ngre tallaz, bën dallgë, dallgëzon. Tallazohet deti (oqeani). Deti u tallazua.
2. vetv., vet. v. III Lëkundet, tundet; vjen valë-valë, vjen me tallaze. Bova tallazohej mbi sipërfaqen e ujit.
3. fig., vetv. Shqetësohem, tronditem shumë. Iu tallazua zemra u trondit, u shqetësua shumë.
4. pës. e TALLAZÓN.
✱Sin.: tallazon, dallgëzon, lëkundet, tundet, shqetësohet, tronditet.

TALLAZON

TALLAZ/ÓN vep., ~ÓI, ~ÚAR vet. v. III 1. kal. Ngre tallaze, ngre dallgë, bën që të ngrihen tallaze (dallgë). Era (furtuna, tufani, tajfuni) tallazon detin.
2. jokal. Bën tallaze, dallgëzon. Tallazon deti (oqeani). Tallazon si i tërbuar.

VALËZOJ

VALËZ/ÓJ vep., ~ÓVA, ~ÚAR 1. jokal., vet. v. III Formon valë; bën lëvizje si valë, lëviz valë-valë, ulet e ngrihet si valë. Valëzon deti. I valëzonin flokët. Valëzojnë grunjërat. Që nga lartësitë e maleve rrjedhin ujëra, rrëzohen, valëzojnë dhe pastaj derdhen në lumë.
2. kal. Bëj që të formohen valë; bëj që diçka të lëkundet e të lëvizë si valët e detit; i jap diçkaje trajtën e valëve, bëj valë-valë. Era valëzonte grurin. Një puhi e lehtë ia valëzonte flokët.
✱Sin.: dallgëzoj, valëzon, tallazon.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë