Fjalori

Rezultate në përkufizime për “tallazmadh”

Mëso si ta përdorësh
<<< Kthehu te kërkimi kryesor në fjalor

DALLGËSHUMË

DALLGËSHÚMË mb., poet. Që ka a çon shumë dallgë; që bën shumë dallgë; valëshumë. Në detin dallgëshumë.
✱Sin.: dallgëmadh, valëshumë, valëmadh, shkulmemadh, tallazmadh.

TALLAZMADH

TALLAZ/MÁDH,~E mb. 1. Që ka tallaze të mëdha; dallgëmadh. Det tallazmadh.
2. fig., poet. Që ka ndjenja të fuqishme, që ka shpirt të trazuar, shpesh të papërmbajtshëm. Fjalë që i dilnin nga shpirti tallazmadh.
✱Sin.: dallgëmadh, valëmadh.

VALËBARDHË

VALËBÁRDHË mb., poet. Që i ka valët të bardha, të mëdha dhe të turrshme, valëshkulm. Drini valëbardhë zbret nga mali për t’u derdhur në fushë. Lumi valëbardhë që kalon përmes fshatit turfullonte, duke sjellë shkumë pas vetes në çdo kthesë. Deti valëbardhë godet brigjet me forcë, duke krijuar një shkumë të bardhë që hidhej lart si shatërvan.
✱Sin.: shkulmëmadh, valëmadh, tallazmadh.

VALËFRYRË

VALËFRÝRË mb. Që vjen me valë të fryra, që ka shumë valë dhe të mëdha, valëmadh. Lumë valëfryrë. Pas shirave lumi erdhi valëfryrë.
✱Sin.: valëmadh, valëshumë, shkulmëmadh, tallazmadh.

VALËMADH

VAL/ËMÁDH,~E mb., poet. 1. Që vjen me valë të mëdha; që ka shumë valë; valëshumë. Lumë valëmadh. Drini valëmadh. Valbona valëmadhe. Lumi Buna ishte valëmadh pas shiut dhe stuhisë. Vjosa valëmadhe rrjedh me forcë të madhe nga malet.
2. fig. Që i ka ndodhur një fatkeqësi e madhe, që i ka vdekur dikush nga njerëzit e shtëpisë a nga të afërmit; që ka parë shumë vdekje e fatkeqësi; që ka vuajtur shumë; fatkeq. Nënë valëmadhe. Ai burrë valëmadh ishte mbushur me trishtim dhe vuajtje të thella. Gruaja valëmadhe e humbi familjen dhe tani jeton e vetmuar, duke bartur peshën e dhimbjes. Në fshat, të gjithë e respektonin atë plakën valëmadhe.
✱Sin.: dallgëshumë, shkulmëmadh, tallazmadh, fatzi, i pafat.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë