Fjalori

Rezultate në përkufizime për “take”

Mëso si ta përdorësh
<<< Kthehu te kërkimi kryesor në fjalor

CELULOID

CELULOÍD,~I m. Lëndë e fortë dhe e përkulshme, e ngjashme me bririn, që prodhohet nga celuloza dhe që përdoret për të bërë shirita filmi, krehra etj. Celuloid i fortë. Krehër celuloidi. Kuti celuloidi. Lodër celuloidi. Take celuloidi. Fabrikë celuloidi. E fiksuar në plastikën e celuloidit. Shirit celuloidi.

LUNDËR

LÚND/ËR,~RAI f. sh. ~RA, ~RAT 1. Mjet i thjeshtë lundrimi prej druri, që vihet në lëvizje me lopata ose me shtagë, barkë e ngushtë dhe e gjatë; anije e vogël me fund të sheshtë, që vihet në lëvizje me lopata ose me vela. Lundër peshkatarësh (peshkimi). Shtaga e lundrës. Hipi në lundër.
2. Trap druri që shërben për të kaluar lumin.
3. tek. Pjesë e makinës shirëse, që ka trajtën e një govate.
✱Sin.: barkë, kaike, sandall, katanike, sul, sule, fajkore, take, trap.
♦ U bë lundër mospërf. u deh sa mezi qëndron më këmbë, u bë tapë, u bë bërryl. S'bëhet lundra me dru marene fj. u. shih te MAREN/Ë,~A.

SHAJKË

SHÁJK/Ë,~AIV f. sh. ~A, ~AT Një lloj lundre për të zënë peshk, barkë, sule. Doli me shajkë për peshk. Shajka i fuste ujë. I vendosi rrjetat brenda në shajkë.
✱Sin.: barkë, sule, take, fajkore.

SHTOJ

SHTOJ vep., SHTÓVA, SHTÚAR kal. 1. Rrit numrin, i bëj më shumë sesa janë, shumoj; kund. pakësoj. Shtoj tufën (bagëtinë, gjënë e gjallë, lopët, kuajt, pulat, derrat).
2. Rrit vëllimin, zgjeroj sipërfaqen a zmadhoj sasinë e diçkaje, e bëj më të madh, më të gjatë a më të gjerë, e zmadhoj; kund. zvogëloj. Shtojmë tokat e bukës. Shtojmë prodhimin. I shtoi kursimet (shpenzimet). I shtuan një kat (një krah, dy dhoma) shtëpisë. Shtoj çarçafin (fustanin). Na shtuan punë.
3. Them a shkruaj diçka për të plotësuar atë që kam thënë a kam shkruar më parë. Shtoj dy radhë (një paragraf, një kapitull). Shtoj disa fjalë. S'kam gjë për të shtuar. Dua të shtoj se...
4. E bëj më të fortë, e përforcoj, e rrit (një veprim, një ndjenjë, një veti a një cilësi). Shtoj shpejtësinë. Ia shton bukurinë. Na e shton gëzimin (lumturinë, hidhërimin, dashurinë). Na e shton besimin. E shton veprimtarinë (ndikimin). Shtojmë aftësinë luftarake (fuqinë mbrojtëse). Shtojnë lavdinë e kësaj take.
5. I zmadhoj e i zbukuroj ato që kam dëgjuar a kam parë, duke shpikur nga vetja hollësira të paqena; zmadhoj. E ka zakon t'i shtojë gjërat. Mos shto!
6. jokal. Bëhem më i rëndë në peshë, vë mish, shëndoshem. Shton në peshë. Ka shtuar tri kile. Nuk shton fare. Shton nga pak.
7. jokal. I rritet vëllimi a fryhet duke zier. Orizi i vendit shton shumë. Shtojnë makaronat (fasulet).
♦ I shton nga *xhepi (dikush).

TAKE

TÁK/E,~JAII f. sh. ~E, ~ET bised. 1. Shpullë, pëllëmbë. Ia dha (hoqi) një take faqeve.
2. fig. Tërheqje veshi (vëmendjeje), qortim. I dhe një take. E hëngri një take.
✱Sin.: shpullë, dackë, pëllëmbë, qortim.

TAKE

TÁK/E,~JAIII f. sh. ~E, ~ET Armë gjahu me tytë të sharruar (të shkurtuar). E qëlloi me take.

TAKE-FINC

TAKE-FÍNC ndajf. Përdoret në lojën cicmic, kur njëri nga lojtarët bën cicmic, kur hap (çel) e mbyll me një gur; cicmic; çelembyll. Ia bëri take-finc.
✱Sin.: cicmic; çelembyll.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë