Fjalori

Rezultate në përkufizime për “tëmotje”

Mëso si ta përdorësh
<<< Kthehu te kërkimi kryesor në fjalor

AJVAR

AJVÁR,~I m. Hajvar, lloj salce me speca të kuq të pjekur e të zier, që përgatitet si zahire, tëmotje.

HESË

HÉS/Ë,~A f. sh. ~A, ~AT krahin. Haje; zahire. Hesa e vitit. Hesa e bagëtive (e kafshëve). Gatit (bëj) hesat.
✱Sin.: zahire, ushqim, haje, tëmotje, rezervë.

REZERVË

REZÉRV/Ë,~A f. sh. ~A, ~AT 1. Sasi ushqimesh, mallrash, lëndësh ose mjetesh, që vihet mënjanë për ta përdorur kur të dalë nevoja. Rezerva ushqimore. Rezerva monetare. Rezerva dimërore. Rezervë e paprekshme. Rezerva shtetërore. Rezervat e miellit (e drithërave, e prodhimit, e letrës, e municioneve, e arit). Krijimi (shtimi, pakësimi) i rezervës. Grumbulloj rezerva. Mbaj (përdor) rezervat. U mbarua rezerva.
2. Sasi e madhe lëndësh të para ose burimesh nëntokësore që ende nuk janë shfrytëzuar. Rezerva natyrore. Rezerva ujore. Rezerva gjeologjike. Rezerva mineralesh.
3. përmb., usht. Pjesë e qytetarëve, që zakonisht e kanë bërë shërbimin ushtarak dhe që vazhdojnë përgatitjen për periudha të shkurtra ose që thirren nën armë në rast nevoje. Ushtar (oficer) i rezervës. Thirrja e rezervës. Stërvitja e rezervës. Doli në rezervë.
4. usht. Trupa ushtarake të armëve të ndryshme, që mbahen mënjanë nën urdhrat e komandës për t’i hedhur në luftim në çastet vendimtare ose për të sprapsur goditjet e befasishme të armikut. Rezerva e përgjithshme. Rezerva e artilerisë. Trupat (repartet) e rezervës. Hedh në sulm rezervën.
5. sport. Lojtarë që përgatiten dhe përdoren për të zëvendësuar lojtarët e skuadrës kryesore në rast nevoje. Stoli i rezervave. Rri rezervë. Fut në lojë rezervat.
6. Mundësi e brendshme, që nuk është shfrytëzuar plotësisht dhe që përbën një burim të rëndësishëm për përmirësimin e mëtejshëm të një pune a të një veprimtarie. Rezervat e brendshme. Rezerva materiale (njerëzore). Zbulimi i rezervave. Shfrytëzimi i të gjitha rezervave. Ka rezerva. Planifikoj pa rezerva.
7. fig. Mendim ose qëndrim, i cili përmban një vërejtje a një dyshim për dikë a për diçka; ngurrim për ta miratuar ose për ta pranuar diçka plotësisht. Shfaq rezerva. Mbaj (kam) rezerva. Pranoj (them, flas) me rezervë. Pa rezerva plotësisht, tërësisht, pa kushte, pa asnjë kundërshtim.
✱Sin.: tëmotje, zahire.

TËMOTJE

TËMÓTJE,~T f. vet. sh. Zahire për gjithë vitin. Vuri tëmotje. Siguruan tëmotjet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë