Fjalori

Rezultate në përkufizime për “tëhuaj”

Mëso si ta përdorësh
<<< Kthehu te kërkimi kryesor në fjalor

FTOH

FTOH vep., ~A, ~UR kal. 1. Ia ul temperaturën diçkaje; e bëj më të ftohtë, i pakësoj të nxehtët; i heq të ngrohtët dhe e bëj të ftohtë; kund. ngroh. Ftoh ujin (gjellën). Ftoh dhomën.
2. E bëj dikë që të mërdhijë shumë; plevitos. E ftohu fëmijën duke e mbajtur jashtë.
3. bised. Shuaj, fik. Ftoh zjarrin.
4. Kalit një vegël prej metali duke e nxehur shumë e duke e futur pastaj menjëherë në ujë të ftohtë. Ftoh sëpatën.
5. fig. E bëj dikë t’i dobësojë e t’i prishë lidhjet e marrëdhëniet miqësore me një tjetër ose të mos ketë për të dashurinë e mëparshme, e largoj dikë nga një njeri i afërt; ia pakësoj dikujt dëshirën, vullnetin a vrullin për një punë. Ua ftohu miqësinë (marrëdhëniet). Ia ftohu ndjenjat.
6. Lëvroj tokën për herën e tretë. E ftohu tokën.
✱Sin.: plevitos, tartaros, freskoj, shuaj, fik, zvjerdh, zbarit, përandit, tëhuaj.
♦ I ftohu (i uli) *gjakrat (dikush). Ia ftohu *kokën (kryet) (dikujt). Ia ftohu kryet (*kokën) (dikujt). As të *ngroh e as të ftoh.

HUAJTOJ

HUAJT/ÓJ vep., ~ÓVA, ~ÚAR kal. Tëhuaj, tëhuajsoj.
✱Sin.: tëhuaj, tëhuajsoj, largoj, ftoh, shmang, mënjanoj.

TËHUAJ

TËHÚAJ vep., ~TA, ~TÚR kal. Largoj dikë nga vetja duke u sjellë ftohtë me të, e mbaj larg një të afërm, nuk e afroj, e bëj si të huaj, e ftoh. E tëhuajti të vëllanë. E tëhuajtën nga prindërit (nga shoqëria). E tëhuaj nga shokët.
✱Sin.: largoj, shmang, ftoh, mënjanoj.

TËHUAJËSOJ

TËHUAJËS/ÓJ vep., ~ÓVA, ~ÚAR kal. Tëhuaj. E tëhuajësoi nga i vëllai. E tëhuajësoi të motrën.

ZHIGMOJ

ZHIGM/ÓJ vep., ~ÓVA, ~ÚAR krahin., kal. 1. Bëj me tym e me blozë, nxij; e bëj me njolla të zeza. E zhigmoi këmishën.
2. fig. Turpëroj, njollos, damkos. Nuk është zhigmuar tërë jetën. E zhigmoj në vend të keq.
3. I mërzit diçka (dikujt), zvjerdh. E zhigmoi foshnjën nga gjiri.
4. fig. E tëhuaj dikë, e largoj nga vetja, e bëj që të ftohet prej meje. Zhigmoi nga pragu tek oxhaku. (fj. u).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë