Fjalori

Rezultate në përkufizime për “syrgjynosur”

Mëso si ta përdorësh
<<< Kthehu te kërkimi kryesor në fjalor

ANATEMUAR

ANATEMÚAR (i, e) mb. Që është anatemuar, që është mallkuar ose që është nëmur; i shkishëruar. Qoftë i anatemuar!
✱Sin.: i mallkuar, i nëmur, i truar, i dënuar, i shkishëruar, i syrgjynosur.

ARRATISUR

ARRATÍSUR (i, e) mb. 1. Që ka ikur fshehurazi nga një vend ku e kishin mbyllur për dënim ose kundër dëshirës; që ka marrë malet ose që ka kapërcyer kufirin për të shpëtuar nga ndjekjet ose nga një rrezik. Të burgosurit e arratisur. Ushtarët e arratisur.
2. fig. Që është shpërndarë, që ka humbur diku larg, që është tretur larg. Me mendje të arratisur. Me sy të arratisur.
3. vjet. Që ka marrë arratinë, që endet lart e poshtë, që bredh nga një vend në tjetrin. Kalorës i arratisur.
✱Sin.: i dëbuar, i përzënë, i ndjekur, i shporrur, i larguar, i tretur, i mërguar, i shpërndarë, i përndarë, i humbur, i syrgjynosur.
♦ Me *mendje të arratisur.

BATISUR

BATÍSUR (i, e) mb., bised. 1. Që është shembur; i fundosur, i vithisur; që është rrëzuar rrafsh me tokën. Tokë e batisur. Vend i batisur. Brigje të batisura.
2. fig. Që e ka zënë diçka e rëndë, që e ka pllakosur një hall i madh. Me fytyrë të batisur.
3. fig., keq. I degdisur, i syrgjynosur. E gjetën të batisur në Malin e Shenjtë.
✱Sin.: i shembur, i fundosur, i vithisur, i pllakosur, i degdisur, i syrgjynosur.

INTERNUAR

INTERNÚAR,~I (i) m. sh. ~, ~IT (të) Ai që është dënuar me internim, i dënuar që është në internim. Ikja (arratisja) e të internuarve. Lirimi i të internuarve.
✱Sin.: i syrgjynosur, i mërguar.

SYRGJYNOSEM

►SYRGJYNÓS/EM jovep., ~A (u), ~UR bised. 1. vetv. Internohem, dërgohem me forcë në një vend të largët për një kohë të caktuar; internohem. U syrgjynosën në atë ishull të shkretë.
2. pës. e SYRGJYNÓS. U detyrova të syrgjynosesha. Ishte syrgjynosur nga qeveria.

SYRGJYNOSUR

SYRGJYNÓSUR (i, e) mb., bised. Që është syrgjynosur; i internuar. Atdhetarët e syrgjynosur. Djali i syrgjynosur nuk u gjend.

SYRGJYNOSUR

SYRGJYNÓSUR,~I (i) m. sh. ~, ~IT (të) Ai që është syrgjynosur; i internuar. I syrgjynosuri ndiente mall. Të syrgjynosurit u bënë bashkë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë