Fjalori

Rezultate në përkufizime për “symbyllas”

Mëso si ta përdorësh
<<< Kthehu te kërkimi kryesor në fjalor

HAPADOLLAPA

HAPADOLLÁPA ndajf., bised. Me sy të mbyllur, symbyllur; symbyllas, kukafshehtas (lojë fëmijësh). Luaj hapadollapa.

MEDITOJ

MEDIT/ÓJ vep., ~ÓVA, ~ÚAR jokal. dhe kal. Përqendroj mendjen në diçka për një periudhë të caktuar kohore, zakonisht në heshtje ose nën tingujt e muzikës së qetë, për qëllime fetare ose shpirtërore ose si një mënyrë për t’u çlodhur; përsiat. Po meditoja para filxhanit të çajit. Rri e mediton për gjithçka. Filloi të meditonte. Medituan për pak kohë. Meditoi symbyllas. Meditoji thellë këto fjalë!

PELECORRE

PELECÓRR/E,~JA f. Loja symbyllas. Luanin pelecorren.

PULAQORTHI

PULAQÓRTHI ndajf. Symbyllas, Symbyllazi. Luajnë pulaqorthi.

SHAFAQOK

SHAFAQÓK ndajf. Duke mbyllur sytë (për një lloj loje), symbyllas. Kënaqeshin duke luajtur shafaqok. A luajmë sonte shafaqok? Loja shafaqok. E kthyen shtëpinë përmbys duke luajtur shafaqok.
✱Sin.: symbyllas, kukafshehtas, sypshilaza,

SHEFAQOK

SHEFAQÓK ndajf. Me sy të mbyllur, symbyllazi. Loja shefaqok. E njeh mirë lojën shefaqok. Po luanin shefaqok.
✱Sin.: kukafshehtas, sypshilaz, symbyllazi, symbyllas.

SHUKPENDELLA

SHUKPENDÉLLA ndajf. Duke luajtur një lojë fëmijësh duke u fshehur; kukafshehtas. Luajtën shukpendella.
✱Sin.: symbyllas, kukafshehtas.

SYMBYLLAS

SYMBÝLLAS ndajf. 1. Me sy të mbyllur ose të lidhur. E ndiqte symbyllas. Doli symbyllas.
2. fig. Pa pasur nevojë ta shoh me sy atë që bëj; me shkathtësi të madhe, duke e ditur mirë ose duke e pasur shprehi. E bën symbyllas. U përgjigj symbyllas.
3. fig. Pa shikuar dhe pa vënë re çfarë bëhet rreth vetes, pa i vlerësuar dhe i peshuar kushtet e rrethanat, verbërisht; kuturu. I besoi symbyllas. Veproi symbyllas.

SYMBYLLAZI

SYMBÝLLAZI ndajf. Symbyllas. E dalloi symbyllazi.
✱Sin.: symbyllthi, kukafshehtas.

SYMBYLLTHI

SYMBÝLLTHI ndajf. Symbyllas. U hodh symbyllthi. Sfidën e pranoi symbyllthi.

TUTUMISH

TUTUMÍSH ndajf. Symbyllazi, symbyllas, symbyllthi. Luajnë tutumish.

ÇAKARROK

ÇAKARRÓK,~U m. sh. ~Ë, ~ËT Lojë symbyllas.

ÇALAMELAS

ÇALAMÉLAS ndajf. 1. Duke çaluar; çalas.
2. Symbyllas. Luajnë çalamelas.
✱Sin.: çalas, çalthi, symbyllas.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë