Fjalori

Rezultate në përkufizime për “survejoj”

Mëso si ta përdorësh
<<< Kthehu te kërkimi kryesor në fjalor

MBIKËQYR

MBIKËQÝR vep., ~A, ~UR kal. 1. Vëzhgoj me kujdes lëvizjet, veprimet a sjelljen e dikujt, që të kryejë detyrën, të zbatojë porositë, të mos shkelë rregullat e udhëzimet, të mos bëjë dëme e veprime të tjera të ndaluara, të mos pësojë ndonjë të keqe etj.; kujdesem për dikë; mbaj nën mbikëqyrje, ruaj. Mbikëqyrte fëmijët. Mbikëqyr të sëmurët. Mbikëqyrte të burgosurit. E mbikëqyrte me bisht të syrit.
2. Ndjek me vëmendje e me kujdes një punë, një veprimtari etj., e kontrolloj që çdo gjë të bëhet në rregull, kujdesem për diçka; jam i ngarkuar të ndjek një punë a një çështje. Mbikëqyr punimet e një ndërtese. Mbikëqyr zbatimin e ligjeve. Mbikëqyr punën e sektorëve.
✱Sin.: vëzhgoj, kujdesem, përkujdesem, ruaj, survejoj, menaxhoj, kontrolloj.

PËRGJOJ

PËRGJ/ÓJ vep., ~ÓVA, ~ÚAR kal. 1. Rri fshehur diku e dëgjoj a vëzhgoj dikë për të marrë vesh çfarë thotë, çfarë bën etj.; ndjek fshehurazi veprimet e dikujt, vëzhgoj pa më parë kush. Përgjonte me kujdes. Përgjonin çdo lëvizje të shpendëve shtegtarë.
2. Vështroj dikë a diçka tërthorazi, e shikoj vjedhurazi. Përgjon me bisht të syrit.
3. Ruaj dikë që ta zë në befasi a të papërgatitur, e ndjek për ta kapur, për ta dëmtuar, për ta sulmuar etj. E përgjonte si macja miun.
4. I rri pranë një të sëmuri rëndë, e ruaj; kaloj natën pranë një të sëmuri që është duke vdekur; ruaj një të vdekur. E përgjuan gjithë natën.
5. Pres që të vijë dikush; pres me padurim dikë a diçka. E përgjuan deri vonë. Përgjonin urdhrin e sulmit.
✱Sin.: gjurmoj, gjuaj, ruaj, ajgëtoj, veshtoj, survejoj, përbuj, pres, vëzhgoj, ndjek, vigjiloj, mbikëqyr, gjej, tragëzoj, spiunoj.

SURVEJIM

SURVEJÍM,~I m. sh. ~E, ~ET Veprimi kur survejoj a survejohem. Ishte në survejim. Survejimi i tij vazhdonte. E kishin vënë në survejim të plotë. Nuk e dinte se ishte në survejim. Përdorin dronë për survejim.
✱Sin.: përgjim, mbikëqyrje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë