Fjalori

Rezultate në përkufizime për “surbull”

Mëso si ta përdorësh
<<< Kthehu te kërkimi kryesor në fjalor

HURBË

HÚRB/Ë,~A f. sh. ~A, ~AT 1. Një gllënjkë ujë a një lëng, që pihet ose gëlltitet menjëherë. Një hurbë raki (ujë). Pi me hurba të mëdha (të vogla).
2. si mb. Që është zier pak, surbull, rofito (për vezën). Vezë hurbë vezë surbull.
✱Sin.: gllënjkë, surbull, rofito.

LLURBËT

LLÚRBËT (i, e) mb. 1. Që është i squllët; që ka llucë. Baltë (borë) e llurbët. Vend i llurbët.
2. Që është i turbulluar e me papastërti të ndryshme; që është i përzier me llum. Ujë (vaj) i llurbët. Uthull (verë) e llurbët.
3. Që është si qull i trashë (për ushqime të ndryshme); që është bërë si qull ngaqë është zier shumë (për gjellët). Ushqime të llurbëta. Gjellë e llurbët. Vezë e llurbët vezë surbull, e pazier mirë.
4. fig., mospërf. Që është shumë i shëndoshur e me mishra të varur. Plak i llurbët. Plakë e llurbët.
✱Sin.: i squllët, llurbës.

RRUFKË

RRÚFKË mb. Që është zier pakëz sa t’i mpikset e bardha (për vezën). Donte vezë rrufkë.
✱Sin.: surbull, i trashë.

RRUFKË

RRÚFK/Ë,~A f. sh. ~A, ~AT 1. Vezë e zier pakëz, vezë surbull. Pinte rrufka çdo mëngjes.
2. gjell., vet.. sh. Petulla të bëra me miell, me qumësht e me vezë dhe të skuqura me shumë vaj, që përvëlohen në sherbet. I pëlqenin rrufkat e gjyshes.
3. fig. Grua e shëndoshë, e bëshme. Ishte një rrufkë ajo!

SURBULL

SÚRBULL mb. 1. Që është zier pakëz sa t'i mpikset e bardha (për vezën). Vezë surbull.
2. Që është sqaqur. Dukej se ishte surbull.
✱Sin.: rrufkë, i flashkët, i qullët, i mefshtë.

TRUBULL

TRÚBULL mb., krahin. 1. Që është zier pak (për vezën); rrufkë, surbull. Vezë trubull.
2. si ndajf., krahin. Pakëz e zier; sa t’i mpikset e bardha (për vezën); surbull, rrufkë. E zjeu vezën trubull. E ha vezën trubull.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë