Fjalori

Rezultate në përkufizime për “supozohet”

Mëso si ta përdorësh
<<< Kthehu te kërkimi kryesor në fjalor

BESOHEM

►BESÓ/HEM jovep., ~ÓVA (u), ~ÚAR (me një trajtë të shkurtër të përemrit vetor në r. dhanore). 1. vetv. I besoj dikujt dhe e lë veten në dorë të dikujt, i bie dikujt në besë.
2. njëvet. Kam ndjenjën e sigurisë se diçka është e vërtetë ose se do të kryhet (përdoret zakonisht me mohim). Nuk më besohet se do të vijë.
3. njëvet. Mendohet se diçka është e vërtetë ose se do të kryhet, kujtohet se..., parashikohet, pandehet se..., pritet se..., supozohet që... Besohej se ishte e vërtetë. Besohet se kjo shenjë e ka një domethënie. Ka gjëra të cilave s'u besohet.
4. pës. e BESÓJ3. Iu besua një detyrë. Më besohet një punë (një rol).

DYSHOHET

►DYSH/ÓHET jovep., ~ÚA (u), ~ÚAR vet. v. III 1. vetv. Mendohet, supozohet, ka dyshime mbi dikë ose diçka. Dyshohet për drogë. Dyshohej se ishte spiun (vjedhës). Dyshohej se kishte kancer. Për këtë s’mund të dyshohet.
2. pës. e DYSHÓJ. Ai dyshohet nga policia për këtë ngjarje.

HAMENDËSOHET

►HAMENDËS/ÓHET jovep., ~ÚA (u), ~ÚAR pës., vet. v. III e HAMENDËSÓJ. Hamendësohet se qyteti është ndërtuar mbi rrënoja më të vjetra. Shkaku i ngjarjes hamendësohet, por ende nuk është vërtetuar.
✱Sin.: supozohet, hamendet, pandehet, nënkuptohet, paramendohet.

NEKROMAN

NEKROMÁN,~I m. sh. ~Ë, ~ËT libr. Ai që supozohet se komunikon me të vdekurit.

NEKROMANE

NEKROMÁN/E,~IA f. sh. ~E, ~ET libr. Ajo që supozohet se komunikon me të vdekurit.

NGROHJE

NGRÓHJ/E,~A f. sh. ~E, ~ET 1. Proces fizik i tejçimit të nxehtësisë me kontakt të drejtpërdrejtë ose nëpërmjet përftimit të ajrit ose avullit të ngrohtë nga burimet përftuese të saj (djegie drush, energji elektrike, rrezatuese) te produktet ushqimore, që e marrin nxehtësinë, si uji, lyrat, proteinat, lëngjet, shurupet si edhe te nënproduktet e përpunimit të frutave e perimeve; veprimi kur ngroh diçka ose kur ngrohem; kund. ftohje. Sistemi i ngrohjes së serave. Ngrohja e dhomës (e zyrës). Ngrohja e motit (e kohës). Ngrohja e marrëdhënieve. Ngrohje globale rritja graduale e temperaturës së sipërfaqes së tokës, që supozohet të shkaktohet nga “efekti serë”, si edhe si rezultat i rritjes së çlirimit të gazrave nëpërmjet djegieve të karburanteve fosile, të tillë si gazi, nafta dhe qymyri.
2. Tërësia e pajisjeve, që shërbejnë për të ngrohur një vend a një mjedis. Ngrohje qendrore. Ngrohje elektrike. Ngrohje me dru (me qymyr). Sistem ngrohjeje.
✱Sin.: përavullim, thekje, nxehje, vakje, zbutje, ngrohës, zhegitje, afrim, inkurajim, miqësim.

NËNKUPTOHET

►NËNKUPT/ÓHET jovep., ~ÚA (u), ~ÚAR 1. vetv., vet. v. III Merret vesh, kuptohet vetiu diçka që nuk është shprehur qartë dhe në mënyrë të hapur, vetëkuptohet. Lë të nënkuptohet.
2. pës. e NËNKUPTÓJ. Kjo nënkuptohet nga të gjithë.
✱Sin.: supozohet, parakuptohet.

OPSION

OPSIÓN,~I m. sh. ~E, ~ET libr. Mundësi zgjedhjeje, alternativë ose e drejtë për të ushtruar një veprim. Këto janë opsionet tona. Shpreh disa opsione. Supozohet se ishte opsioni i tij i vetëm. Nuk kishin opsion tjetër. Këto janë opsionet tona për propozimin që na bëni. Jam i ngarkuar të shpreh disa opsione dhe qëndrime.
✱Sin.: mundësi, alternativë, variant.

PARASHIKOHET

►PARASHIK/ÓHET jovep., ~ÚA (u), ~ÚAR vet. v. III 1. vetv. Pritet të ndodhë, të bëhet a të vijë. Parashikohet një stuhi.
2. pës. e PARASHIKÓJ. Nuk mund të parashikohej nga askush kjo gjë.
✱Sin.: mendohet, pritet, supozohet.

SUPOZIM

SUPOZÍM,~I m. sh. ~E, ~ET 1. Veprimi kur supozoj a supozohet. Ky është vetëm një supozim. Para shpalljes së rezultateve ka pasur disa supozime.
2. Hamendje, dyshim. Supozime pa baza. Le të fillojmë nga një supozim.
✱Sin.: hamendësim, parakuptim, besim, pandehje.

SUPOZOHET

►SUPOZÓ/HET jovep., ~ÚA (u), ~ÚAR vet. v. III 1. vetv. Merret diçka si pikënisje, duke e quajtur si të vërtetë për të provuar një hipotezë. Foto që supozohet se tregojnë realitetin. Vendet që supozohet të jenë hapësira të sigurta. Ato supozohet të kenë në dorë jetën e pacientëve.
2. pës. e SUPOZÓJ. Zgjidhja u supozua në disa variante.
✱Sin.: hamendësohet, parakuptohet, nënkuptohet, besohet, pandehet.

SUPOZUAR

SUPOZÚAR (i, e) mb. Që supozohet. Shkelja e një kontrate të supozuar. Diskutuan listën e supozuar. U fol gjatë për puthjen e supozuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë