Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
MERIT/ÓJ vep., ~ÓVA, ~ÚAR kal. 1. Jam i denjë të nderohem, e vlej të më jepet një çmim a një shpërblim, të më bëhet një vlerësim i mirë për sjelljen, për një punë, për shërbime ose për një veprimtari të caktuar. Ai njeri meriton respektin dhe vëmendjen e të gjithëve. Meriton të lavdërohet (të dekorohet). Meriton titullin... (gradën...). Meritoi flamurin (çmimin e parë). Meriton nderin. Meritoi notën dhjetë.
2. Marr atë që më takon në bazë të aftësive dhe të arritjeve që kam dëshmuar. Tokën e meriton i zoti (pronari). A është e vërtetë që çdo popull e meriton qeverinë e tij?
3. Më takon të dënohem a ta pësoj për atë që kam bërë. Meriton dënimin. Meriton përbuzjen (urrejtjen). Meriton të ndëshkohet rëndë.
4. vet. v. III Është i nevojshëm, duhet; ia vlen të tregohet kujdes e vëmendje a të bëhet diçka. Është problem që meriton kujdes (vëmendje). Kjo çështje meriton të studiohet (të shqyrtohet). Pyetja e saj meriton përgjigje. Nuk meriton të merresh me të (për dikë a për diçka).
PARAPRAKÍSHT ndajf., libr. Në mënyrë paraprake, që më parë; që me kohë. Kontrollohet (studiohet, përcaktohet) paraprakisht. Përpunohet paraprakisht.
PËRFUNDÍM,~I m. sh. ~E, ~ET 1. Veprimi kur përfundoj ose kur përfundohet diçka.
2. Gjendja pasi përfundon a përfundohet diçka. Përfundimi i studimeve (i aplikimeve). Përfundimi i punimeve. Është në përfundim e sipër.
3. Fundi i diçkaje, mbarim, mbyllje. Para përfundimit të mbjelljeve. Në përfundim të kampionatit.
4. Diçka që del ose që arrihet nga mbarimi i një pune dhe nga përpjekjet që bën dikush; rezultat. Kemi arritur përfundime të mira (të kënaqshme). E shqetësuan shumë përfundimet e nxjerra.
5. bised. Nota mesatare e fundit, që vihet kur mbarojnë mësimet, në provimet etj. (në shkolla e kurse). Përfundimet vjetore. Nxjerr përfundimet e nxënësve. Pati përfundime të mira.
6. Mendim përgjithësues që nxirret pasi shqyrtohet e studiohet një çështje ose diçka tjetër, duke u mbështetur në të dhëna të ndryshme; rrjedhim, pasojë. Përfundim logjik. Arriti në një përfundim të drejtë. Nxjerr si përfundim. Si përfundim...
7. mat. Shuma a numri që del nga një veprim matematik, rezultat. Përfundimi i pjesëtimit. Nxjerr përfundimin.
✱Sin.: mbarim, kryerje, mbyllje, përmbyllje, fund, fundje, sosje, rezultat, konkluzion, rrjedhim, rrjedhojë, pasojë, zgjidhje, shkrehje.
RRAFSH,~I m. sh. ~E, ~ET 1. Sipërfaqe e diçkaje pa të ngritura e pa të thelluara. Rrafsh i i gjerë. Rrafshi i enës.
2. Vend i sheshtë, fushë. Zbritën nga mali dhe iu drejtuan rrafshit. Kaloi në rrafshe e kodra.
3. Krahinë pa male e pa kodra të larta. I çoi bagëtitë në rrafsh.
4. gjeom. Sipërfaqe me dy përmasa, në të cilën një drejtëz që bashkon dy pika çfarëdo të saj ndodhet gjithnjë brenda saj; plan. Vërej rrafshet paralele. Rrafsh i përcaktuar me pikat A, B dhe C.
5. fig. Prerje a vijë, në të cilën shqyrtohet a studiohet një çështje ose zgjidhet një problem, plan. Në rrafshin kombëtar. Në rrafshin e planifikimit gjuhësor. Në rrafshin teorik. Çështja doli në rrafsh të parë.
✱Sin.: rrafshinë, shesh, rrafshnajë, fushnajë, rrafshok, shesh, log, fushë, dystinë, patalok, pllajë.
STUDÍM,~I m. sh. ~E, ~ET 1. Veprimi kur studioj a studiohet. Studim i vazhdueshëm. Kryen studime të hollësishme. Ndërmerr një studim individual.
2. Shqyrtim i diçkaje për ta njohur dhe vlerësuar. Studimi i nevojave të tregut. Studimi i historisë së Shqipërisë. E mori çështjen për studim. E morën punën në studim. Studimi i kërkesave të parashtruara.
3 kryes. sh. Veprimtaria kërkimore shkencore në një fushë; punim shkencor rreth një çështjeje. Studim shkencor. Studime letrare (kritike). Studime historike (filologjike). Do të kryhen disa studime gjeologjike. Dha kontribut në fushë të studimeve albanologjike. Ky është një studim me vlerë. Janë botuar disa studime mbi gjuhën. Studime në lëmin e historisë. Bën studime. Merret me studime. Ka botuar një studim të rëndësishëm.
4. kryes. sh. Ndjekja rregullisht e një shkolle, kursi etj. dhe përvetësimi i lëndëve të një dege të caktuar. Ka kryer studimet e larta. Ndjek (vazhdon) studimet pranë universitetit. Mbaroi studimet në Tiranë. I ka bërë studimet me bursë.
✱Sin.: mësim, gjurmim, hulumtim, kërkim, lëvrim, hetim, këqyrje, kumtesë, punim, vepër.
►VERIFIK/ÓHET jovep., ~ÚA (u), ~ÚAR vetv., v. III Provohet vërtetësia a saktësia e diçkaje pasi kontrollohet a ballafaqohet me një tjetër. U verifikua dokumenti. U verifikuan shifrat. Gjithçka u verifikua.
2. pës. e VERIFIKÓJ.
✱Sin.: kontrollohet, studiohet.
VROJT/ÓHEM jovep., ~ÓVA (u), ~ÚAR 1. vetv. Ndiqem me sy nga dikush, vëzhgohem; më shohin me vëmendje për një qëllim të caktuar.
2. vetv., vet. v. III. Studiohet diçka duke u ndjekur me vëmendje zhvillimi i tij, bëhen kërkime a vëzhgime në një drejtim të caktuar; vëzhgohet. Vrojtohen dukuritë e natyrës. Vrojtohen tërmetet. në faza të ndryshme. U vrojtua në disa drejtime studimi. Vrojtohen shpërthimet e vullkanit.
2. pës. e VROJTÓJ.
✱Sin.: vëzhgohem, vërehem, këqyrem, mbikëqyrem.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë