Fjalori

Rezultate në përkufizime për “studio”

Mëso si ta përdorësh
<<< Kthehu te kërkimi kryesor në fjalor

ARKITEKTURË

ARKITEKTÚR/Ë,~A f. sh. ~A, ~AT 1. Arti i projektimit, i vendosjes dhe i zbukurimit të ndërtesave ose të veprave të tjera; bashkim i artit, i shkencës dhe i teknikës për të krijuar struktura funksionale, estetike dhe të qëndrueshme. Vepër e arkitekturës. Dega e arkitekturës. Studio e arkitekturës. Qendra e arkitekturës. Fjalori i arkitekturës. Merret me arkitekturë.
2. Mënyra e vendosjes, e ndërtimit dhe e zbukurimit të ndërtesave në pjesën e jashtme. Arkitekturë e thjeshtë. Arkitektura e qytetit.
3. Stil i veçantë në vendosjen, ndërtimin dhe zbukurimin e ndërtesave dhe të veprave të tjera. Arkitektura romake (greke, gotike). Arkitektura moderne. Arkitektura postmoderne.
4. Arkitektonikë.

ATELIE

ATELIÉ,~JA f. sh. ~, ~TË libr. 1. Dhomë a sallë e posaçme, ku punon piktori, skulptori, fotografi etj.; repart i kinostudios, ku përgatiten e përpunohen filmat; studio. Atelieja e piktorit (e fotografit). Atelietë e kinostudios.
2. vjet. Punishte ku mjeshtrit ose punëtorët bënin të njëjtën punë; repart i veçantë në një fabrikë.

FILMOLOGJIK

FILMOLOGJÍK,~E mb. Që ka të bëjë me filmologjinë; i filmologjisë. Studio filmologjike.

FOTOGRAFIK

FOTOGRAFÍK,~E mb. 1. Që shërben për të fotografuar, që nxjerr fotografi; që përdoret për fotografi; që shërben për të larë filmat e për të nxjerrë fotografitë etj. Aparat fotografik. Studio fotografike.
2. Që ka të bëjë me teknikën dhe me mjeshtërinë e fotografimit; që është bërë me anë të fotografimit. Riprodhim fotografik. I ishte futur artit fotografik.
3. Që përmban fotografi, me fotografi. Album fotografik. Ekspozitë fotografike.
4. fig. Që e riprodhon a e përshkruan diçka drejtpërdrejt e në mënyrë të përpiktë, ashtu siç është, pa dalluar atë që është e rastit nga ajo që është tipike dhe pa bërë ndonjë përgjithësim. Përshkrim fotografik.

FOTOSTUDIO

FOTOSTÚDIO,~JA f. sh. ~, ~T Hapësirë ​​ku fotografët krijojnë dhe shesin fotografi; studio fotografish. Hapi një fotostudio në qendër të qytetit.

INFORMATIV

INFORMATÍV,~E mb. Që shërben për të dhënë njoftimet e nevojshme; që jep të dhënat e kërkuara; që përmban informata. Buletin informativ. Studio informative. Rrjet (shërbim) informativ.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë