Fjalori

Rezultate në përkufizime për “studente”

Mëso si ta përdorësh
<<< Kthehu te kërkimi kryesor në fjalor

ARMENISTIKË

ARMENISTÍK/Ë,~A f. Shkenca që studion nga aspekte të ndryshme gjuhën, letërsinë, kulturën dhe historinë e popullit armen. Armenistika e sotme. Zhvillimi i armenistikës. Historia e armenistikës. Katedra e armenistikës. Studentët e armenistikës. Eksperte e armenistikës. Doktoroj në armenistikë. Specialist i armenistikës. Njohës i armenistikës. Studente e armenistikës.

BASHKËSTUDENTE

BASHKËSTUDÉNT/E,~JA f. sh. ~E, ~ET Shoqe kursi a fakulteti; studente që ndjek të njëjtin kurs a të njëjtin fakultet me dikë. Bashkëstudentet e kursit tonë ishin më të dalluarat.

BURSISTE

BURSÍST/E,~JA f. sh. ~E, ~ET Nxënëse a studente që ndjek studimet me bursë. Bursiste me të ardhura të ulëta familjare.

DËGJUESE

DËGJÚES/E,~JA f. sh. ~E, ~ET 1. Ajo që është ulur në një dhomë, në një sallë etj. dhe ndjek me vëmendje atë që thuhet, që këndohet etj. Dëgjuese e rregullt.
2. Ajo që ndjek mësimet a leksionet në një shkollë, në një kurs etj., pa qenë nxënëse ose studente e rregullt; ajo që është ftuar të marrë pjesë në një mbledhje, por që nuk ka të drejtën e fjalës. Merr pjesë si dëgjuese.

FUSHËKRUJAS

FUSHËKRUJÁS,~E mb. Që lidhet me Fushë-Krujën ose me fushëkrujasit, që është karakteristik për Fushë-Krujën ose për fushëkrujasit, i Fushë-Krujës ose i fushëkrujasve; që është krijuar nga fushëkrujasit. Familje fushëkrujase. Studente fushëkrujase.

INTERNATISTE

INTERNATÍST/E,~JA f. sh. ~E, ~ET Konviktore. Studente internatiste.

KONVIKTORE

KONVIKTÓR/E,~JA f. sh. ~E, ~ET Nxënëse a studente konviktore.

MORALISTE

MORALÍST/E,~JA f. sh. ~E, ~ET 1. Ajo që merret me çështjet e moralit si studente a si mësuese, me parimet, me normat e me rregullat që përcaktojnë sjelljen e njeriut në shoqëri.
2. Ajo që jeton në përputhje me parimet e moralit të një shoqërie; ajo që përshtatet me moralin e një shoqërie.
3. keq. Ajo që moralizon, ajo që shet moral. Bën si moraliste. Nuk jam këtu për të bërë moralisten.

NDËSHKUAR

NDËSHKÚAR (i, e) mb. Që është ndëshkuar, që ka marrë një masë ndëshkimi, i dënuar. Qytetar i ndëshkuar. Studente e ndëshkuar padrejtësisht.

PASTËRTOR

PASTËRTÓR,~I m. sh. ~Ë, ~ËT 1. Ai që e mban pastër veten, rrobat, shtëpinë, vendin e punës etj. Nëpunës pastërtor.
2. Që është shumë i rregullt në veshje dhe i pëlqen pastërtia. Studente (vajzë) pastërtore.

PIKETUAR

PIKETÚAR (i, e) mb. 1. Që është piketuar, që është përcaktuar me piketa. Gjurma e piketuar e hekurudhës.
2. E caktuar për një punë etj. Tri studente të piketuara. Lojtarët e piketuar.
3. E përcaktuar a e synuar për t’u arritur. Kufijtë e piketuar të dialogut.

QIRAMARRËSE

QIRAMÁRRËS/E,~JA f. sh. ~E, ~ET Ajo që merr diçka me qira, zakonisht një banesë a një tokë; qiraxheshë. Qiramarrëset studente kërkonin një banesë të vogël.

SHARË

SHÁR/Ë,~AII f. sh. ~A, ~AT 1. Pullë a larë me ngjyrë të errët sidomos në trupin e dhenve; larë, njollë. Shqerrë me shara në trup. Dhi me një sharë në bark.
2. Dele me pika të zeza në turinj. Shara kishte tani dy qengja. Kullot sharën. Lëkura e sharës.
3. Vajzë e zeshkët në fytyrë, zeshkane. Shara ishte studente e vitit të dytë.
✱Sin.: larë, njollë, laramane, pikaloshe, e sharme.

STUDENTE

STUDÉNT/E,~JA f. sh. ~E, ~ET Ajo që ndjek mësimet në një shkollë të lartë. Studente e dalluar. E bija ishte studente në mjekësi.

UNIVERSITARE

UNIVERSITÁR/E,~JA f. sh. ~E, ~ET Ajo që ndjek studimet në universitet; studente e universitetit.

VJESHTUKE

VJESHTÚK/E,~JA f. sh. ~E, ~ET Ajo që paraqitet në provim në vjeshtë pasi ka mbetur në sezonin e verës (studente). Po vijnë vjeshtuket. Kishte shumë vjeshtuke në këtë sezon.
✱Sin.: ngelëse, mbetëse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë