Fjalori

Rezultate në përkufizime për “standardizoj”

Mëso si ta përdorësh
<<< Kthehu te kërkimi kryesor në fjalor

HOMOLOGOJ

HOMOLOG/ÓJ vep., ~ÓVA, ~ÚAR kal. 1. drejt. Sanksionoj me vendim gjyqi.
2. tek. Provoj a verifikoj përputhshmërinë a përshtatshmërinë e pjesëve të veçanta të automjetit në tërësinë e tij, bazuar në kriteret, që parashtrohen nga organet e ndryshme rregullatore të një vendi; e certifikoj.
✱Sin.: sanksionoj, certifikoj, standardizoj, ligjëroj, miratoj, vendos, provoj, verifikoj.

LIBRORIZOJ

LIBRORIZ/ÓJ vep., ~ÓVA, ~ÚAR kal. 1. E bëj a e përshtas me ligjërimin e shkruar, e përpunoj një tekst gojor sipas normave të gjuhës letrare, e bëj të përshtatshëm për botim ose lexim si pjesë libri. E librorizoi fjalimin që të mund të botohej në përmbledhje.
2. E largoj nga elementet bisedorë dhe e strukturoj në mënyrë të rrjedhshme e të përpunuar. Ai librorizon dialogët spontane për t’i bërë të kuptueshme për lexuesin.
✱Sin.: standardizoj, përpunoj, stilizoj, redaktoj.

NORMATIVIZOJ

NORMATIVIZ/ÓJ vep., ~ÓVA, ~ÚAR gjuh., kal. Normëzoj, standardizoj. Duhet normativizuar legalisht hapësira e komunikimit në Internet.

STANDARDIZIM

STANDARDIZÍM,~I m. sh. ~E, ~ET Veprimi kur standardizoj a standardizohet. Standardizimi është një proces thelbësor që siguron se të gjitha produktet i përmbushin kërkesat e cilësisë. Procesi i standardizimit të praktikave ligjore ka përfshirë pjesën më të madhe të institucioneve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë